Stjórnendur sjávarfangsfyrirtækja funda í Bergen

Sér­stakt málþing um sjáv­ar­fang í Norður-Atlants­hafi, North Atlantic Sea­food For­um (NASF), hefst í Ber­gen í Nor­egi í dag. Er þetta 18. sinn sem málþingið fer fram og er um að ræða stærstu ráðstefnu fyr­ir æðstu stjórn­end­ur fyr­ir­tækja í sjáv­ar­út­vegi og fisk­eldi á heimsvísu. Mark­miðið með málþing­inu er að veita þeim inn­sýn í helstu strauma á mörkuðum, svo sem í ný­sköp­un, viðskiptaþróun, fjár­mál­um og efna­hags­mál­um.

„Það sem er sér­stakt með þessa ráðstefnu er að þátt­tak­end­ur eru æðstu stjórn­end­ur fyr­ir­tækja í sjáv­ar­út­vegi og fisk­eldi. Þeir eru sam­an­komn­ir á einn stað og eru aðgengi­leg­ir. Það er öðru­vísi en til dæm­is á sjáv­ar­út­vegs­sýn­ing­un­um í Bar­sel­óna eða Bost­on, því þar eru stjórn­end­urn­ir aðallega að hitta viðskipta­vini sína. Þeir koma til Ber­gen til að hitt­ast og ræða sam­an, hér eru einnig tölu­vert af fjár­fest­um, frum­kvöðlum og full­trú­um alþjóðlegra ráðgjaf­ar- og miðlun­ar­fyr­ir­tækja,“ sagði Andre Akse, fram­kvæmda­stjóri NASF-málþings­ins, i viðtali í síðasta blaði 200 mílna.

Andre Akse fram­kvæmda­stjóri North Atlantic Sea­food For­um Ljós­mynd/​NASF

NASF sér­stak­lega hannað til að tengja sam­an stjórn­end­ur og þá sem eru í fram­línu þró­un­ar grein­anna, s.s. frum­kvöðla og fjár­festa.

Fjöldi Íslend­inga eru mætt­ir til Ber­gen. Full­trú­ar stærstu fisk­eld­is­fyr­ir­tækja Íslands eru á málþing­inu, en auk þess eru meðal ann­ars full­trú­ar Ari­on banka og Mar­el svo ein­hverj­ir séu nefnd­ir 

Málþing­inu lýk­ur á fimmtu­dag.

• Blogga um frétt