Eldi skipar mikinn sess á málþingi stjórnenda sjávarfangsfyrirtækja, North Atlantic Seafood forum (NASF), sem fram fer í Bergen í Noregi.

Í erindi sínu vakti Jónas Viðarsson hjá MATÍS athygli á því hve mikilvægir nýir próteingjafar væru fyrir vaxandi fóðurframleiðslu fyrir laxeldi og benti á að Evrópa flytur inn 70% af próteini sem nýtt er í fóður. Ljóst er að fiskimjöl og lýsi eru af skornum skammti og stendur yfir mikil leit að próteingjöfum sem geta stutt við öran vöxt eldisgreinarinnar á heimsvísu. 

Slikir próteingjafar þurfa að uppfylla ströng skilyrði um vöxt fiska og ekki síst tryggja að þeir haldi góðri heilsu. Í þessu samhengi kynnti Jónas þau verkefni sem unnið hefur verið að á Íslandi sem hafa byggt á nýtingu örþörunga, einfrumupróteina og skordýra.

Frétt af mbl.is

Fóðra lax með timbri í Grindavík

Einfrumuprótein hafa vakið töluverða athygli ekki síst þar sem það er unnið úr aukaafurðum timburiðnaðar.

Einnig hafa verið gerðar tilraunir með örþörungum en í því tilviki minnkaði vöxtur þegar hlutfall þeirra af fóðrinu fór yfir ákveðið magn. Jafnframt urðu kjúklingarnir sem gefnir voru fóður með mikið af örþörungum grænir. Eitthvað sem skiljanlega teljast óæskileg áhrif.

Í sátt við umhverfið 

Leitin að próteingjöfum var einnig áberandi í erindi Carlos Diaz, forstjóra BioMar. Sagði hann að ekki væri nóg að finna nýja próteingjafa heldur þurfa þeir einnig að rúmast innan markmiða um minnkun losun gróðurhúsalofttegunda og betri umgengni um náttúruna.

Upplýsti Diaz að BioMar Stefni að því að minnka kolefnisspor sitt á næstu árum um 30% og ná kolefnishlutleysi árið 2030.

Carlos Diaz, forstjóri BioMar, vakti athygli á áhrifum fóðurframleiðslu á umhverfið. mbl.is/Gunnlaugur

Bætt umgengni við náttúruna er eitt af þeim markmiðum sem tekið er tillit til í skoðun BioMar og Laxár fiskafóðurs um uppbyggingu fóðurverksmiðju sem gæti annað alla innlenda eftirspurn.

Laxá er dótturfélag Síldarvinnslunnar og er meðal hugmynda að nýta hráefni sem framleitt er af útgerðinni.

Frétt af mbl.is

Síldarvinnslan vill reisa fóðurverksmiðju

Tengdar fréttir

Fiskeldi

Ræða sjókvíaeldið fyrir opnum dyrum

• „Ísland er í einstakri stöðu“
• 434 milljóna taprekstur hjá Arnarlaxi
• Eldisgreinar þurfi stöðugleika
• Gagnrýna upptöku eldisgjalds

» Fleiri tengdar fréttir

• Blogga um frétt