Ísfélagið kaupir fyrir um 9 milljarða í fiskeldi

Ísfé­lag Vest­manna­eyja hef­ur gert sam­komu­lag við meiri­hluta­eig­anda Ice Fish Farm, sem er eig­andi fisk­eld­is á Aust­fjörðum, um kaup á um 16% hlut í fé­lag­inu. Er þetta gert sam­hliða hluta­fjáraukn­ingu í fisk­eld­is­fyr­ir­tæk­inu, en hlut­ur Ísfé­lags­ins í viðskipt­un­um er met­inn á tæp­lega 9 millj­arða ís­lenskra króna og er fisk­eldið þar með metið á tæp­lega 55 millj­arða. Greint er frá viðskipt­un­um í til­kynn­ingu til norsku kaup­hall­ar­inn­ar.

Norska fé­lagið Måsøval Eiendom AS hef­ur átt 56% hlut í Ice Fish Farm, en það hef­ur meðal ann­ars keypt eld­is­fyr­ir­tæk­in Fisk­eldi Aust­fjarða og Laxa.

Sam­kvæmt til­kynn­ing­unni mun Måsøval Eiendom setja öll bréf sín í Ice Fish Farm í nýtt fé­lag sem fær nafnið Aust­ur Hold­ing AS. Ísfé­lagið mun sam­hliða hluta­fjáraukn­ingu í Ice Fish Farm eign­ast 29,3% hlut í Aust­ur, en fram kem­ur einnig að Aust­ur muni eft­ir hluta­fjáraukn­ing­una áfram eiga 56% hlut í Ice Fish Farm.

Sam­tals á Måsøval Eiendom í dag 51.361.866 hluti í Ice Fish Farm. Ísfé­lagið mun eiga um 647 þúsund hluti í Aust­ur og miðað við gengið 43 NOK á hlut í viðskipt­un­um er hlut­ur Ísfé­lags­ins met­inn á tæp­lega 9 millj­arða. Heild­ar­virði Ice Fish Farm miðað við þetta gengi er hins veg­ar tæp­lega 55 millj­arðar.

Viðskipt­in áttu sér stað á gengi sem er 65% yfir dags­loka­gengi bréf­anna í gær í kaup­höll­inni, þegar þau lokuðu í 26 NOK á hlut. Það sem af er degi hafa bréf­in hækkað tals­vert og standa nú í um 34 NOK á hlut.

Haft er eft­ir Ein­ari Sig­urðssyni, vara­for­manni stjórn­ar Ísfé­lags­ins, í til­kynn­ing­unni að fé­lagið sé ánægt að taka þessi skref inn í fisk­eld­is­geir­ann. Seg­ir hann fé­lagið hafa fylgst með vexti í grein­inni und­an­far­in ár og hafi trú á að áfram verði stöðugur vöxt­ur til margra ára.

• Blogga um frétt