Samherji kaupir skip: Komið til Íslands

Samherji hefur keypt skoska uppsjávarskipið Christina S. Kom skipið til Reykjavíkur í gær.

Skipið hefur verið skráð hér á landi og mun það bera nafnið Margrét EA-710. Þrjú skip hafa áður borið þetta nafn, Margrét, í sögu Samherja.

Skipið var smíðað í Noregi árið 2008 og er 72 metra langt og 15 metra breitt.

Vel búið skip á allan hátt

Í tilkynningu frá Samherja segir að Margrét EA-710 sé vel búið skip á allan hátt og hafi aðalvélin aðeins verið keyrð í 16.400 klukkustundir.

„Þrettán kælitankar eru í skipinu og rúma þeir samtals liðlega tvö þúsund tonn af fiski,“ segir í tilkynningunni.

Fyrirhugað er að Margrét haldi fljótlega á loðnumiðin.

• Blogga um frétt