Þyrlan sótti slasaðan skipverja

Þyrla Land­helg­is­gæsl­unn­ar sótti í dag skip­verja sem hafði slasast um borð í fiski­skipi sem var á veiðum á Faxa­flóa.

Ásgeir Er­lends­son upp­lýs­inga­full­trúi Land­helg­is­gæsl­unn­ar staðfest­ir þetta í sam­tali við mbl.is.

Björg­un­ar­skip á veg­um Lands­bjarg­ar hafði verið sent til að sækja mann­inn en maður­inn fór þó aldrei um borð.

Hífði þyrl­an mann­inn því frá fiski­skip­inu en hún hafði verið á leiðinni til Reykja­vík­ur frá Eskif­irði þar sem hún hafði tekið þátt í leit­inni að manni sem var lýst eft­ir í gær.

Skip­verj­inn er nú kom­inn und­ir lækn­is­hend­ur en ekki feng­ust upp­lýs­ing­ar um líðan hans.

• Blogga um frétt