Fengu flugvélabrak og höfuðkúpu í trollið

Áhöfn­in á Hrafni Svein­bjarn­ar­syni GK-255 fékk hluta af flug­vél­ar­braki og lík­ams­leif­ar í trollið á miðviku­dag­inn þegar skipið var á veiðum á Jök­ul­dýpi, um 50 míl­ur vest­ur af Reykja­nesi. Vís­ir.is greindi fyrst frá mál­inu.

Kristján Ólafs­son skip­stjóri seg­ir í sam­tali við mbl.is að um stélpart sé að ræða, hluta af ytra byrði og ann­an mótor vél­ar­inn­ar. „Þetta er ekki heil flug­vél, það eru eng­ar inn­rétt­ing­ar eða neitt slíkt. Bara hlut­ar af brak­inu,“ seg­ir hann.

Merk­ing­ar sjást þokka­lega þannig áhöfn­in tel­ur sig vita um hvaða vél er að ræða

„Það er máln­ing á þessu og ein og önn­ur merk­ing, þannig við telj­um okk­ur vita hvaða vél þetta er, en það á al­veg eft­ir að fá það staðfest.“

Með brak­inu komu upp lík­ams­leif­ar, stór part­ur af höfuðkúpu, að sögn Kristjáns.

Fundu höfuðkúp­una við vinnsl­una 

Fyrst þegar skip­verj­ar sáu brakið í troll­inu áttuðu þeir sig ekki á hvað var um að ræða, sáu það bara sem ein­hvern aðskota­hlut. Það vaknaði þó hjá þeim for­vitni.

„Þetta er óvenju­legt og menn fóru að spá í hvað þetta væri og svo hvaða vél þetta væri. Svo þegar við fór­um að vinna fisk­inn þá kem­ur meira niður þar, flug­vélapart­ar. Þar kem­ur líka taska, ásamt þess­um lík­ams­parti. Við sáum það því aldrei í troll­inu.“

Í kjöl­farið var haft sam­band við Land­helg­is­gæsl­una og fékk áhöfn­in fyr­ir­mæli um varðveislu braks­ins og lík­ams­leif­anna.

„Þetta er vænt­an­lega lík­ams­part­ur af flug­mann­in­um og það er ákveðin virðing sem við höf­um í kring­um það,“ seg­ir Kristján, en ekki var tal­in þörf á því að skipið kæmi í land vegna fund­ar­ins.

Úlfar Lúðvíks­son, lög­reglu­stjóri á Suður­nesj­um, staðfest­ir við mbl.is að málið hafi komið inn á borð lög­reglu. Kennsla­nefnd rík­is­lög­reglu­stjóra muni rann­saka lík­ams­leif­arn­ar þegar þær koma í land og rann­sókn­ar­nefnd sam­göngu­slysa brakið úr vél­inni.

• Blogga um frétt