Lax og rækja yfirtaki svín og kjúkling

Verðmæti afurða úr eldi lax­fiska og rækju á heimsvísu gæti hæg­lega tekið fram úr verðmæt­um svína­kjöts og kjúk­lings. Þetta er mat Gorj­an Ni­kolik, grein­anda hjá Ra­bobank In­ternati­onal til sautján ára.

Fram kom í er­indi hans á málþing­inu North Atlantic Sea­food for­um, sem fram fór í Ber­gen í Nor­egi í vik­unni, að litlu mun­ar á heild­ar­verðmæti teg­und­anna og það þrátt fyr­ir að eldi þess­ara teg­unda sé tals­vert minna í um­fangi en svína- og kjúk­linga­rækt. Útil­okað er að verðmæt­in fari fram úr nauta­kjöti á næst­unni, að sögn Ni­kolik.

Benti hann á að verðmæti seldra svína­af­urða dróst sam­an um 13,1% milli ár­anna 2021 og 2022, en jókst um 16,5% í til­felli kjúk­lings. Þá jókst verðmæti rækju­af­urða um 6,2% á sama tíma­bili en hafði milli 2020 og 2021 auk­ist um 19,8%. Sömu sögu er að segja í til­felli eldi lax­fiska sem skilaði 11,5% meiri verðmæt­um 2022 en 2021 og 21,3% meiri verðmæt­um 2021 en 2020.

Kína hvarf og Ísland hvergi að finna

Í er­indi sínu skýrði Ni­kolik einnig frá helstu straum­um í viðskipt­um með sjáv­ar­af­urðir á heimsvísu und­an­far­in ár og vakti mikla at­hygli að þegar tal­in eru upp þau ríki með mest­an nettó út­flutn­ing sjáv­ar­af­urða var Kína ekki meðal efstu tíu árið 2022.

Kína var um langt skeið efst á list­an­um, en fyrsta sætið vermdi hins veg­ar Nor­eg­ur árið 2022. Þrátt fyr­ir að Ísland flytji nán­ast allt fram­leitt sjáv­ar­fang á er­lenda markaði, dug­ar það ekki í magni eða verðmæt­um til þess að Ísland rati í efstu tíu sæt­in.

Nor­eg­ur get­ur þakkað vax­andi verðmæti sem fást úr hverju kílói af eld­islaxi en Ekvador stekk­ur upp í annað sæti vegna mik­ils vaxt­ar í rækju­eldi þar í landi. Ekvador er ekki aðeins með ein­stak­lega heppi­leg­ar aðstæður til slíks eld­is, held­ur er landið langt frá því að full­nýta þau svæði sem slík starf­semi get­ur fari fram á, að sögn Ni­kolik.

Í Síle hef­ur verið sterk lax­eld­is­grein um nokk­urt skeið og er ríkið því of­ar­lega á list­an­um. Ind­land og Víet­nam fram­leiða bæði nokkuð af veidd­um sjáv­ar­af­ur­um en þar er einnig um­tals­vert rækju- og til­apía­eldi.

Frétt af mbl.is

Fjár­fest­ir í 85 þúsund tonna eldi á Indlandi

• Blogga um frétt