Örlagaskipið Sandey fór í bræðslupottinn

Í haust verða liðin 40 ár frá þeim hörmu­lega at­b­urði þegar sand­dælu­skip­inu Sand­ey II hvolfdi ná­lægt Eng­ey, svo að segja við bæj­ar­dyr Reyk­vík­inga. Fjór­ir skip­verj­ar drukknuðu en tveir úr áhöfn­inni björguðust, að því er seg­ir í ný­legri um­fjöll­un Morg­un­blaðsins um málið.

Sand­ey var dreg­in að landi og notuð um ára­bil sem bryggja og land­gönguprammi á at­hafna­svæði Björg­un­ar við Ártúns­höfða. Fyr­ir fáum árum lauk því hlut­verki og var skipið þá bútað niður og selt utan í brota­járn. Örlaga­skipið Sand­ey II endaði því í bræðslupotti í út­lönd­um.

Sand­ey II á hvolfi á slysstað við Eng­ey. Allt til­tækt björg­un­arlið kom á vett­vang strax eft­ir slysið. mbl.is/​RAX

Sand­ey II, nýju sand­dælu- og dýpk­un­ar­skipi, var hleypt af stokk­un­um hjá Stálsmiðjunni hf. í Reykja­vík í maí­mánuði 1976. Skipið var í eigu Björg­un­ar hf. og var það bvggt upp úr göml­um banda­rísk­um land­göngupramma. Ný­smíði var hins veg­ar mjög mik­il og fór hún að miklu leyti fram hjá Stálsmiðjunni. Sand­ey II var 48 metra langt skip, það risti 3,5 metra og burðargeta í lest var 920 tonn. Þótti skipið eitt hið full­komn­asta sinn­ar teg­und­ar og var talið mjög stöðugt í sjó.

Föstu­dags­morg­un­in 28. októ­ber 1983 var Sand­ey II að dæla sandi af hafs­botni við Eng­ey þegar skip­inu hvolfdi skyndi­lega. Vitni voru að at­b­urðinum á landi og létu þau strax vita hvað gerst hafði. Til­kynn­ing um slysið barst Slysa­varna­fé­lagi Íslands klukk­an 9.02. Þegar voru gerðar ráðstaf­an­ir til að senda fjöl­mennt björg­un­arlið á staðinn.

Fjallað var um málið í Morg­un­blaðið á dög­un­um og má lesa um­fjöll­un­ina í heild hér.