Um 43% félagsmanna vildu fella samninginn
Setja bókamerki
Skipstjórnarmenn samþykktu nýjan kjarasamning við Samtök fyrirtækja í sjávarútvegi með rúmum helmingi atkvæða. 413 voru á kjörskrá og var kjörsókn rúmlega 83%. Með samningnum greiddu 55,39% félagsmanna en 42,57% vildu fella samninginn.
Árni Sverrisson, formaður skipstjórnarmanna, segir flesta formenn og samninganefndir félaganna hafa mælt með því að samningurinn yrði samþykktur. Öll félögin sem áttu aðild að samningnum við SFS felldu samninginn að undanskildu Félagi skipstjórnarmanna þar sem samningurinn var samþykktur.
„Samningurinn var felldur af öðrum félögum en okkur, það er eins og gengur og gerist í lýðræðislegum atkvæðagreiðslum. Nú þarf bara að greina hvað menn voru ósáttir við og kanna hvort hægt er að ná samkomulagi,“ segir Árni.
Þáttaskil um áramót
Sjómenn hafa verið samningslausir frá árinu 2019 og segir Árni að það hafi verið vilji allra að semja.
„Viðræðurnar höfðu staðið yfir í þrjú ár við SFS og á þeim tíma hafi verið fundað stíft til að reyna að koma á kjarasamningi án árangurs. Um áramótin urðu þáttaskil, þá var ákveðið að láta á það reyna hvort við værum að fara að semja eða ekki. Niðurstaðan var eftir stíf fundarhöld í janúar að skrifað var undir samning 9. febrúar sem skipstjórnarmenn einir samþykktu,“ segir Árni.
„Allt í rusli“ við brúargerð á Vestfjörðum
Munu áfrýja beint til Hæstaréttar
Slasað barn fær ekki styrk vegna leigu á hjólastól
Skoða hvort Hvalur 8 og 9 geti hitað upp Suðurnes
Sleginn yfir grófri framkomu gegn fjölskyldunni
„Skjálftaklessa á milli Grímseyjar og Öxarfjarðar“
Deilan enn í hnút eftir tveggja vikna verkföll
Ránið var framið í strætóskýli
