Landaði sínum fyrsta farmi á Eskifirði
Setja bókamerki
Tengdar fréttir
Samherji
/frimg/1/49/45/1494580.jpg)
Uppsjávaraskipið Margrét EA 710 kom til hafnar á Eskifirði í gær með tvö þúsund tonn af loðnu og er það fyrsta löndun fyrir nýja eigendur, Samherja.
„Skipið fór frá Skotlandi á sunnudegi og innan við viku síðar er sem sagt landað hérna á Eskifirði. Geri aðrir betur segi ég nú bara. Loðnuvertíðin er líklega á lokametrunum, þannig að hver sólarhringur er dýrmætur,“ segir Hjörtur Valsson, skipstjóri á Margréti, í færslu á vef Samherja.
Skipið var smíðað í Noregi árið 2008 en keypt í Skotlandi og bar þá nafnið Christina S. Komið var ti Reykjavíkur 8. mars síðastliðinn og var haldið á loðnumiðin út af Reykjanesi á föstudagsmorgun. Þar var afli fjöggurra skipa dælt um borð og var síðan stefnan sett á Eskifjörð.
„Allir tanknar skipsins eru fullir og líklega tekur um sólarhring að dæla hráefninu í land. Okkar fyrsta reynsla af skipinu er góð í alla staði, það fer vel um mannskapinn og allur aðbúnaður er til fyrirmyndar. Tækjabúnaðurinn er sömuleiðis góður, vélin er kraftmikil og er auk þess lítið keyrð. Það er greinilegt að fyrri eigendur hugsuðu vel um skipið. Við erum sjö í áhöfn og ég heyri ekki annað en að allir séu sérlega ánægðir með skipið og aðbúnaðinn,“ útskýrir Hjörtur.
Hann segir jafnframt skemmtilegt fyrir skipstjóra að landa fyrsta farmi. „Þar sem loðnuvertíðin er senn á enda, er líklegt að Margrét fari næst á kolmunnaveiðar og svo á makríl. Skipið er ekki búið til nótaveiða, en vel útbúið til veiða með flottrolli. Þetta er hörku gott skip, frændurnir Kristján og Þorsteinn Már gerðu greinilega góð og skynsamleg kaup.“
Tengdar fréttir
Samherji
„Þetta er okkar öflugasta eldstöð“
Þurfum að skoða hvers vegna svona brot eru framin
Tæpur hálfur milljarður í ýmsan kostnað þingmanna
„Nú gilda reykfylltu bakherbergin“
/frimg/1/51/42/1514276.jpg)
Skemmtiferðaskip afbóka ferðir
Mikilvægt að fá bílaleigur meira með í orkuskiptin
Veggjalúsin er orðin faraldur