Mokveiði hjá Bergi og Vestmannaey

Mokveiði ein­kenn­ir túr­ana hjá ís­fisk­tog­ur­um Bergi VE og Vest­manna­ey VE. Þeir létu báðir frá höfn í Vest­manna­eyj­um á föstu­dag og lönduðu full­fermi í gær eft­ir aðeins rúm­an sól­ar­hring á miðunum.

„Það er allt fullt af ýsu og afl­inn er mest­megn­is ýsa. Dá­lít­ill þorsk­ur kem­ur þó með. Það er al­veg glimr­andi veiði og þetta er fal­leg­ur fisk­ur sem fæst. Við vor­um að veiðum á Pét­urs­ey og Vík en þar höf­um við mest verið upp á síðkastið,“ seg­ir Jón Val­geirs­son, skip­stjóri á Bergi, í færslu á vef Síld­ar­vinnsl­unn­ar.

„Við vor­um á Pét­urs­ey og Vík og afl­inn að mestu ýsa. Afl­inn þyrfti að vera blandaðri. Það er ekki hægt að kvarta und­an veiðinni, það var mokveiði og það ligg­ur vel á strák­un­um um borð. Á þess­um slóðum er mikið af loðnu. Þetta er aðallega kall sem lagst­ur er á botn­inn,“ seg­ir Birg­ir Þór Sverris­son, skip­stjóri á Vest­manna­ey.

Bæði skip héldu til veiða á ný að lönd­un lok­inni í gær.

• Blogga um frétt