Áhafn­ir ís­lensku loðnu­skip­anna hafa unnið hörðum hönd­um að veiða all­an þann afla sem heim­ild er fyr­ir og hafa náð að veiða yfir 65 þúsund tonn á und­an­förn­um tíu dög­um. Það sem af er vertíð hafa skip­in landað tæp­lega 180 þúsund tonna afla, en eft­ir á að veiða rúm­lega 149 þúsund tonn.

Þetta má lesa úr afla­töl­um á vef Fiski­stofu.

Dag­ar vertíðar­inn­ar eru sí­fellt færri og fer nú hver að verða síðast­ur að ná afl­an­um. Hafa skip­in elt vestang­öngu loðnunn­ar og er nú fjöldi skipa á veiðum í ut­an­verðum Breiðafirði, rétt suður af Látra­bjargi.

Vil­helm Þor­steins enn hæst­ur

Vil­helm Þor­steins­son EA 11 hef­ur landað mest­um loðnu­afla síðustu tíu daga, sam­kvæmt breyt­ingu í afla­skrán­ingu Fiski­stofu, og hef­ur komið til hafn­ar með 5.839 tonn. Þá hef­ur Álsey VE borið 4.282 tonn að landi á þess­um tíma, Sig­urður VE 40.72 tonn og Vík­ing­ur AK 4.010 tonn.

Þá var Vil­helm Þor­steins­son EA í morg­un enn afla­hæsta skip vertíðar­inn­ar með 14.243 tonn. Þá hef­ur Aðal­steinn Jóns­son SU landað 12.644 tonn­um og Beit­ir NK 12.316 tonn­um. Sig­urður VE hef­ur skipið borið fjórða mesta loðnu­afla að landi það sem af er vertíð, alls 11.842 tonn.

Tengd­ar frétt­ir

Loðnu­veiðar

Taka þarf til­lit til afráns hvala­stofna

• „Ég tek und­ir það heils­hug­ar“
• Loðna 90% af fæðu kanadísks hnúfu­baks
• Landa úr­valsloðnu í Nes­kaupstað
• Mögu­lega vís­inda­veiðar á hnúfu­bak

» Fleiri tengd­ar frétt­ir

• Blogga um frétt