Nýtt björgunarskip Slysavarnafélagsins Landsbjargar, Sigurvin, kom til hafnar á Siglufirði eftir hádegi í dag.

Sigurvin lagði af stað frá Reykjavík um síðdegið í gær, föstudag, og sóttist ferðin afar vel. Svo vel gekk siglingin norður að skipið þurfti að lóna fyrir utan Siglufjörð, svo það gæti siglt inn fjörðinn á auglýstum tíma.

Í tilkynningu frá Landsbjörg segir að Sigurvin sé annað af 13 nýjum skipum sem Slysavarnafélagið Landsbjörg láti smíða í Finnlandi um þessar mundir.

Von er á þriðja skipinu í haust, sem mun eiga heimahöfn í Reykjavík.

Mikil hátíðahöld eru nú á Siglufirði þar sem tekið er á móti nýju björgunarskipi.

Skipið Sigurvin í fyrsta sinn í heimahöfn á Siglufirði. Ljósmynd/Landsbjörg

Tengdar fréttir

Öryggi sjófarenda

Stutt við kaup á nýju björgunarskipi

• Færa smábátasjómönnum öryggisapp að kostnaðarlausu
• Strand skemmtiferðaskips kallar á erlenda aðstoð
• Kalla þyrfti til erlent viðbragð
• Hafa þrjá mánuði til að bregðast við

» Fleiri tengdar fréttir

• Blogga um frétt