Aldrei meira framleitt af hrognum á einni vertíð

Hagstætt veðurfar á loðnuvertíðinni í ár hefur skilað tveimur metum hjá Loðnuvinnslunni á Fáskrúðsfirði (LVF), að sögn Friðriks Mars Guðmundssonar, framkvæmdastjóra fyrirtækisins. Loðnuvertíðinni er nú lokið í vinnslunni en síðasta skipið, Hoffell SU-80, kom í land á Fáskrúðsfirði á laugardagskvöld og hóf að landa í gærmorgun.

„Það var síðasti túrinn og hann var líka síðastur á miðunum,“ segir Friðrik í samtali við Morgunblaðið. Hann segir 37.000 tonn af loðnu hafi verið landað í LVF í ár. Um 30.000 tonn hafi verið tekin til hrognatöku, þar af 11.500 hjá Hoffelli. Friðrik segir heildaraflaverðmæti loðnunnar hjá Hoffelli vera um 1,1 milljarður króna.

Fjallað er um málið í Morgunblaðinu í dag.