Nýr tog­ari Þor­bjarn­ar hf. sem er í smíðum hjá Armon í Gijón á Spáni fær nafnið Hulda Björns­dótt­ir GK-11, að því er fram kem­ur í til­kynn­ingu á Face­book-síðu út­gerðar­inn­ar. Hulda var ein af stofn­end­um fé­lags­ins árið 1953, en lést árið 2008. Þann 1. apríl síðastliðinn hefði hún orðið 92 ára.

Hulda stofnaði Þor­björn hf. ásamt eig­in­manni sín­um, Tóm­asi Þor­valds­syni, en Þor­björn ger­ir þegar út tog­ara sem ber nafn hans, Tóm­as Þor­valds­son GK-10. Mun því brátt sinn hvor tog­ar­inn bera nafn þeirra hjóna.

Tog­ar­inn Hulda Björns­dótt­ir GK-11 verður hinn glsæi­leg­asti. Mynd/Þ​or­björn hf.

Fyrsta ný­smíðin frá 1967

Þor­björn hf. til­kynnti í mars á síðasta ári að fé­lagið hefði gert samn­ing við skipa­smíðastöðina Armon í Gijón á Spáni um smíði á 58 metra löng­um og 13,6 metra breiðum ís­fisk­tog­ara. Sam­kvæmt áætl­un­um er gert ráð fyr­ir að smíði tog­ar­ans ljúki á fyrri hluta árs­ins 2024.

Um er að ræða fyrstu ný­smíðina sem Þor­björn ræðst í frá ár­inu 1967, en frá þeim tíma hef­ur fjöldi skipa komið við sögu út­gerðar­inn­ar, annað hvort vegna sam­ein­ing­ar við aðrar út­gerðir eða vegna kaupa á notuðum skip­um.

Frétt af mbl.is

Þor­björn læt­ur smíða nýj­an tog­ara á Spáni

Í gegn­um tíðina hafa verið gerðar um­fangs­mikl­ar breyt­ing­ar á eldri skip­um og þeim meðal ann­ars breytt úr upp­sjáv­ar­skip­um í línu­skip og ís­fisk­tog­ur­um í frysti­skip. Þá hef­ur fyr­ir­tækið á und­an­förn­um árum tekið þrjú línu­skip og tvo frysti­tog­ara úr rekstri og í stað þeirra fest kaup á frysti­tog­ara frá Græn­landi og ís­fisk­tog­ara frá Vest­manna­eyj­um.

Áhersla á minni orku­notk­un

Sæv­ar Birg­is­son, skipa­tækni­fræðing­ur hjá Verk­fræðistof­unni Skipa­sýn ehf., hannaði Huldu Björns­dótt­ur GK í sam­starfi við starfs­menn Þor­bjarn­ar.

Við hönn­un skips­ins hef­ur verið lögð rík áhersla á að draga úr orku­notk­un. Aðal­vél skips­ins sem verður um 2400 KW mun knýja skrúfu sem verður 5 metr­ar í þver­mál. Stærð og snún­ings­hraði skrúf­unn­ar verður minni en áður hef­ur þekkst í eldri fiski­skip­um af sam­bæri­legri stærð. Skipið verður þess vegna sér­lega spar­neytið og því í hópi spar­neytn­ustu skipa í þess­um flokki.  Þá verður skipið búið til veiða með tveim­ur botn­vörp­um sam­tím­is og tog­vind­urn­ar knún­ar raf­magni.

Tengd­ar frétt­ir

End­ur­nýj­un skipa­flot­ans

Mynd­ir: Glatt á hjalla í Hafnar­f­irði

• Hag­sæld sem grund­vall­ast á rann­sókn­um
• Spara hundruð tonna af olíu ár­lega
• Sögu­leg tíma­mót ís­lenskra haf­rann­sókna
• Gáttaðir á því hvað Hulda er gott sjó­skip

» Fleiri tengd­ar frétt­ir

• Blogga um frétt