Styrktu þrjá úrvalsnemendur

Hver nemandi fékk 300 þúsund króna styrk en markmið styrkveitingarinnar hefur verið að styðja úrvalsnemendur við Fisktækniskóla Íslands, sem býður hagnýtt framhaldsskólanám til starfa í sjávarútvegi og fiskeldi.

Fyrsti námsstyrkurinn úr menntastjóði sýningarinnar var veittur árið 2017 og frá þeim tíma hefur Marianne Rasmussen-Coulling, framkvæmdastjóri sýningarinnar, afhent styrkina. Lýsti hún í ávarpi sínu mikilvægi þess að styðja við efnilega nema í fræðigreinum sem tengjast sjávarútvegi og fiskeldi þar sem greinarnar gegna lykilhlutverki og framþróun þeirra byggist á aukinni þekkingu.