Kafarar meta skemmdirnar og skoða eðli strandsins
Setja bókamerki
„Varðskipið Freyja kom á staðinn um klukkan sjö í kvöld. Við erum núna að kafa til að skoða botn skipsins, bæði til að meta skemmdir og skoða hversu fast skipið er á strandstaðnum,“ segir Ásgeir Erlendsson, upplýsingafulltrúi Landhelgisgæslunnar.
Norska stórflutningaskipið, Wilson Skaw, strandaði við Ennishöfða á Húnaflóa, á leið sinni frá Hvammstanga til Hólmavíkur í dag. Skipið er um 4.000 brúttótonn að þyngd og um 113 metra langt.
Mengunarvarnargirðingu komið fyrir
Ásgeir segir að gert sé ráð fyrir að björgunarskip Slysavarnarfélagsins Landsbjargar, sem hefur verið til taks á vettvangi, komi mengunarvarnargirðingu, sem flutt var til Hólmavíkur í dag, fyrir um borð í varðskipinu og síðan verði girðingunni komið fyrir umhverfis skipið í kvöld eða í nótt.
„Þetta er gert til að tryggja svæðið í kring. Þó það sé engin sjáanleg mengun umhverfis skipið viljum við gæta fyllsta öryggis.“
Ráðgast við kafarana á morgun
Hann segir veður gott á svæðinu og það verði áfram gott á morgun.
„Því munum við flýta okkur hægt og fara í fyrsta lagi í beinar björgunaraðgerðir í fyrramálið. Staðan verður tekin á framhaldinu eftir að við höfum ráðfært okkur við kafarana sem skoða botninn og það verður ekki gert fyrr en í fyrsta lagi á morgun,“ segir Ásgeir.
Myndskeið frá Landhelgisgæslunni af vettvangi:
Fullvissa ferðamenn um að hér sé öruggt
Líklega komin á seinni hluta hrinunnar í Svartsengi
Sólveig Anna furðar sig á aðferðum kennara
Yfir 300 stæði fóru undir hraun
/frimg/1/53/8/1530849.jpg)
Fatlaður drengur fær ekki þjónustu í verkfalli
Viðræður ekkert þokast frá því á þriðjudag
Börn hafi engan rétt á leikskólakennslu
Nýtt fangelsi í landi Stóra-Hrauns tilbúið 2028