Sendu 135 tonn til endurvinnslu

Á þessu ári áætlar Hampiðjan í Neskaupstað að sendir verði um átta til tíu gámar af gömlum veiðarfærum til endurvinnslu, en á síðasta ári voru sendir frá Neskaupstað átta gámar af betum, köðlum og „rockhopper“ gúmmíum – alls 135 tonn.

Fram kemur í færslu félagsins á Facebook að um er að ræða að einverju leyti uppsafnað efni, því úrgangurinn hefur verið geymdur á meðan unnið hefur verið að fleiri nýtingarmöguleikum.

Töluvert er til af gömlum veiðarfærum. Ljósmynd/Hampiðjan Neskaupstað

„Mikil breyting hefur orðið varðandi endurvinnslu á veiðarfæraúrgangi, í góðri samvinnu veiðarfæragerða og útgerða.  Er nú svo komið að komnar eru leiðir til útflutnings á nánast öllum veiðarfæraúrgangi, annað hvort til endurvinnslu eða orkunýtingar.  Útflutningurinn hefur margfaldast á nokkrum árum.  Á síðasta ári voru flutt út frá Íslandi samtals um 1.700 tonn, samanborið við rúm 500 tonn árið 2020,“ segir í færslunni.

Fram kemur að nóg hafi verið um að vera hjá Hampiðjunni í Neskaupsstað í síðustu viku, ekki bara var verið að flokka gömul veiðarfæri, setja í gáma og senda til endurvinnslu, heldur var einnig unnið í kolmunnapokum fyrir kolmunnavertíðina sem er komin á fullt auk þess sem

Í síðustu viku unnu starfsmenn að kolmunnapokum fyrir vertíðina sem komin er á fullt. Samsett mynd/Hampiðjan Neskaupstað

• Blogga um frétt