Landhelgisgæslan hefur enn ekki fengið að sjá endanlega áætlun um losun flutningaskipsins Wilson Skaw af strandstað á Húnaflóa. Björgunaráætlun mun að öllum líkindum liggja fyrir á morgun að sögn Ásgeirs Erlendssonar, upplýsingafulltrúa Landsbjargar.

Wilson hefur verið pikkfast á Húnaflóa síðan á þriðjudag. Það er ekki búið að hefja nokkurar björgunaraðgerðir og ekki hefur áhöfnin verið flutt í land enda hefur veðurfar verið afar gott.

Frétt af mbl.is

Fulltrúar björgunarfyrirtækisins lentir

„Í rauninni eru engar beinar aðgerðir hafnar og hefjast ekki fyrr en þessi áætlun liggur fyrir,“ segir Ásgeir.

Um borð eru um 2 þúsund tonn af salti og um 195 tonn af olíu. Ásgeir segir að björgunaráætlun muni snúast að miklu leyti um hvernig eða hvort fjarlæga eigi varninginn af skipinu.

SMIT um borð

Fulltrúar björgunarfélagins SMIT Salvage, sem fengnir voru til þess að gera björgunaráætlunina, lentu á landinu síðdegis í gær. Fulltrúarnir voru ferjaðir um borð í Wilson Skaw í dag af áhöfn varðskipsins Freyju en varðskipið hefur verið tiltækt á svæðinu síðustu daga.

Frétt af mbl.is

„Skrúfa og stýri skipsins virðist alveg óskaddað“

Ásgeir segir það sem mestu máli skipti sé það að vandað sé til verka í slíkum björgunaraðgerðum. „Þetta er í raun og veru bara eðlilegur tími sem tekur að setja saman svona björgunaráætlun,“ segir hann að lokum.

Varnargirðingin var sett út í varúðarskyni vegna mögulegs olíuleka úr Wilson Skaw. Engin olía hefur verið greind í sjó sem stendur. Ljósmynd/Landhelgisgæslan

Tengdar fréttir

Wilson Skaw strandar á Húnaflóa

Hvorki reglur um leiðsögn né leiðsögumannalisti

• Skipstjóri neitaði áhöfn um áfallahjálp
• Hinstu för Wilson lokið
• Wilson Odra lýkur við túrinn fyrir Wilson Skaw
• Sérfræðingar væntanlegir til landsins

» Fleiri tengdar fréttir

• Blogga um frétt