Að minnsta kosti eitt þeirra 50 rúss­neskra skipa, sem grunuð eru um að stunda njósn­ir og skemmd­ar­verk á innviðum til hafs í lög­sög­um Norður­landa, hef­ur átt viðkomu á Íslandi. Ekki er ólík­legt að þau kunna að vera mun fleiri.

Rúss­neski tog­ar­inn Melkart 5 er grunaður um að hafa átt í hlut þegar tveir sam­skipt­a­streng­ir milli Sval­b­arða og Nor­egs urðu fyr­ir skemmd­um. Tog­ar­inn, sem Murm­an Sea­food ger­ir út, hef­ur átt viðkomu hér á landi og sótti meðal ann­ars þjón­ustu hjá Slippn­um Ak­ur­eyri árið 2020 þegar hann var málaður, öxul­dreg­inn og aðal­vél tek­in upp.

Í ít­ar­legri um­fjöll­un rík­is­út­varpa Dan­merk­ur, Finn­lands, Nor­egs og Svíþjóðar um njósn­a­starf­semi rúss­neskra borg­ara­legra skipa kem­ur fram að norska lög­regl­an hafi grunað að Melkart 5 hafi dregið tog­hlera eft­ir hafs­botni til að skemma streng­ina, en vegna óljósr­ar lög­gjaf­ar hafi málið verið fellt niður.

Útgerð skips­ins hafn­ar öll­um ásök­un­um.

Frétt af mbl.is

Rúss­nesk­ir úlf­ar í sauðargæru

Hafa sætt rann­sókn eft­ir Íslands­dvöl

Melkart 5 er nú í slipp í Þórs­höfn í Fær­eyj­um, en þar í landi er einnig rúss­neski tog­ar­inn Lira við bryggju, að því er fram kem­ur í um­fjöll­un fær­eyska rík­is­út­varps­ins.

Sam­kvæmt um­fjöll­un nor­rænu rík­is­miðlana fundu norsk­ir lög­reglu­menn við eft­ir­lit um borð læst­an klefa og reynd­ist þar maður sitja við tal­stöð af sov­éskri gerð. Slíkt sam­skipta­tæki fannst einnig í tog­ar­an­um Ester.

List­inn yfir þau 50 skip sem um ræðir hef­ur ekki verið birt­ur í heild sinni en dæmi eru um að rúss­nesk skip sem hafa átt viðkomu hér á landi hafi sætt rann­sókn í Nor­egi. Til að mynda fóru full­trú­ar norsku strand­gæsl­unn­ar, lög­regl­unn­ar og toll­stjóra um borð í snekkj­una Ragn­ar í fe­brú­ar á síðasta ári er hún lá við bryggju í Norður-Nor­egi. Sum­arið á und­an hafði snekkj­an verið meðal ann­ars á ferðalagi um Ísland.

Frétt af mbl.is

Rúss­nesk­ur „Íslands­vin­ur“ sæt­ir rann­sókn í Nor­egi

Ola Kalda­ger, fyrr­ver­andi yf­ir­maður norsku leyniþjón­ust­unn­ar, sagði al­gengt að rúss­nesk sjóför kæmu til Nor­egs til að afla tækni­legra upp­lýs­inga, upp­ljóstr­ara og hlera fjar­skipti, sér­stak­lega í kring­um æf­ing­ar NATO.

Snekkj­an Ragn­ar er ekki ein­ung­is búin til ferða í gegn­um allt að 50 senti­metra þykk­an ís, held­ur er hún einnig búin þyrlupalli ásamt plássi fyr­ir könn­un­ar­kaf­bát, rib-bát, tvær sæþotur og bryn­varið öku­tæki af gerðinni Ripsaw EV2.

Ragn­ar við bryggju á Ak­ur­eyri sum­arið 2021. mbl.is/​Krist­inn Magnús­son

Fjöldi skipa

Mik­ill fjöldi rúss­neskra borg­ara­legra skipa hafa átt viðkomu í ís­lenskri lög­sögu og ekki ólík­legt að fleiri af þeim 50 skip­um sem liggja und­ir grun hafi lagt leið sína hingað. Þá hafa ís­lensk þjón­ustu­fyr­ir­tæki hafa um ára­bil þjón­ustað mik­ils fjölda rúss­neskra skipa.

Enn sem komið er hef­ur ekki tek­ist að afla upp­lýs­inga um hvort rúss­nesk skip hafi í ís­lenskri lög­sögu sýnt af­brigðilega hegðun eins og í Norður­sjó þar sem þau eru tal­in hafa fylgst með orku- og sam­skiptainnviðum á hafs­botni, brúm, flug­völl­um og höfn­um.

Frétt af mbl.is

Raun­veru­legt áhyggju­efni fyr­ir Ísland

Tengd­ar frétt­ir

Rúss­land

Selenskí kall­ar eft­ir aukn­um þrýst­ingi á Rúss­land

• „Mjög skýrt að Evr­ópa mun ekki bakka“
• Rúss­ar skilji aðeins vald­beit­ingu
• Hafa sent þrjú þúsund her­menn til viðbót­ar á þessu ári
• Viðræður í Riya­dh voru „erfiðar en upp­byggi­leg­ar“

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Torfi Kristján Stef­áns­son: Enn einn stríðsáróður­inn