Loðnuhrognabjórinn sló í gegn

Loðnu­hrogna­bjór sölu­fé­lags­ins Icelandic Asia hef­ur notið mik­illa vin­sælda á alþjóðlegu sjáv­ar­út­vegs­sýn­ing­unni Sea­food Expo Global í Bar­sel­óna á Spáni. Hann er bruggaður með loðnu­hrogn­um eins og gert var í fyrsta sinn í aðdrag­anda sýn­ing­ar­inn­ar í fyrra, en að þessu sinni er hann einnig bragðbætt­ur með shiso sem er japönsk kryd­d­jurt í stað ís­lensks blóðbergs.

Bjórn­um var fyrst teflt fram á opn­un­ar­degi sýn­ing­ar­inn­ar í gær og er á bak­hlið dós­anna QR merki sem hægt er að skanna og at­huga hvort maður hafi hlotið vinn­ing, en þeir sem ekki hlutu slík­an vinn­ing fengu í stað þess fróðleiks­mola um ís­lensk­an sjáv­ar­út­veg.

Myndskreyt­ing­in er út af fyr­ir sig umræðuefni en um er að ræða lista­verk skapað af gervi­greind­ar.

„Hann sló í gegn í fyrra og við ákváðum því að gera nýja út­gáfu af hon­um fyr­ir þessa sýn­ingu og hann hef­ur bara slegið í gegn líka,“ seg­ir Agnes Guðmunds­dótt­ir, sölu­stjóri Icelandic Asia.

Lista­verk gervi­greind­ar­inn­ar er gull­fal­legt. mbl.is/​Gunn­laug­ur

Blaðamaður gat ekki látið þenn­an ein­staka bjór fram­hjá sér fara og nýtti tæki­færið til að smakka. Bjór­inn er lag­er af bestu gerð með milt humla­bragð auk ör­lít­illi seltu og jur­ta­keim. Bæði er hann svalandi og með flókna bragðsam­setn­ingu sem samt ein­hvern­veg­in virk­ar vel.

Bjór­inn er sér­bruggaður fyr­ir Icelandic Asia vegna sýn­ing­ar­inn­ar og því hvergi til sölu.

• Blogga um frétt