Hugsanlegt er að andstæðingar hvalveiða muni nýta sér aukna athygli á Íslandi vegna leiðtogafundar Evrópuráðsins í Reykjavík til að koma óánægju sinni á framfæri vegna nýrrar skýrslu Matvælastofnunar um veiðar á langreyðum við Ísland.

Frétt af mbl.is

36 hvalir voru margskotnir

Þetta sagði Þórdís Kolbrún Reykfjörð Gylfadóttir utanríkisráðherra á Alþingi í svari við fyrirspurn Þorgerðar Katrínar Gunnarsdóttur, þingmanns Viðreisnar.

Þorgerður Katrín Gunnarsdóttir. mbl.is/Hákon

Þorgerður Katrín sagði hvalveiðar eiga að heyra sögunni til og lagði til að matvælaráðherra afturkalli leyfi Hvals hf. til að stunda veiðarnar hérlendis. Hún spurði Þórdísi Kolbrúnu hvernig hún ætli að útskýra niðurstöður skýrslunnar fyrir umheiminum. Í henni kemur fram að MAST telur aflífun á hluta stórhvela við Íslandsstrendur hafa tekið of langan tíma og ekki samræmst markmiðum laga um velferð dýra.

Frétt af mbl.is

Boða nýjar aðferðir við hvalveiðar

Þórdís Kolbrún sagði niðurstöðu skýrslunnar vera dapurlega lesningu. Ábyrgðin liggi hjá þeim sem stundi veiðarnar og þeir eigi að bregðast við skýrslunni.

Hún áréttaði að íslenska ríkið stundi ekki hvalveiðar heldur eitt fyrirtæki hér á landi.

„En við erum meðvituð um að vinnubrögðin og veiðiaðferðirnar sem skýrslan leiðir í ljós eru umfjöllunarefni í fjölmiðlum erlendis,” sagði Þórdís Kolbrún og bætti við að athyglin sem beindist að Íslandi væri ekki jákvæð.

Frétt af mbl.is

Segir tíma kominn til að ræða bann við hvalveiðum

Hún sagði utanríkisráðuneytið hafa búið sig undir þessa umfjöllun og fylgst grannt með henni. Enn sem komið er hafi lítið verið fjallað um skýrsluna í heimspressunni og á samfélagsmiðlum. Sendiskrifstofum ráðuneytisins hafi ekki borist símtöl eða tölvupóstar frá almenningi í neinum mæli í tengslum við hana.

„Sömuleiðis má ímynda sér að með aukinni athygli á Íslandi eftir örfáa sólarhringa þá sé hægt að nýta sér það svið sem þar verður til til þess að koma því á framfæri,” sagði hún og bætti við að sér þætti siðferðislega réttlætanlegt að stunda sjálfbærar hvalveiðar eins og aðrar veiðar. Slíkt þyrfti þó að gera með réttum hætti. Einnig þyrfti að vega og meta í hvert sinn hvort það væri efnahagslega skynsamlegt út frá framboði og eftirspurn og öðrum áhrifum.

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir

• Blogga um frétt