Forritið nefnist „Aldan“ og er enn í prófunum en markmiðið er að þróa verkfæri í samstarfi við sjómenn og útgerðir svo hægt sé að mæta öllum þeim kröfum sem gerðar eru þegar öryggi sjófarenda er annars vegar. Gísli segir ekki síður mikilvægt að smáforritið sé eitthvað sem sjómenn vilji nota og því mikilvægur liður að þróa eitthvað sem býður þægilegt notendaviðmót.

Gísli Níls Einarsson, sérfræðingur í öryggisstjórnun.

Síðast á föstudag náðist samkomulag við Samherja um að átta skip félagsins myndu taka þátt í verkefninu en fyrir eru Vísir, Skinney-Þinganes, Gjögur og Síldarvinnslan í því. „Nú þegar erum við með 16 skip og á þriðja hundrað sjómenn sem taka þátt í prófunum. Með Samherja eru þetta 24 skip og á fjórða hundrað sjómanna. Samherji hefur verið mjög framsækinn í öryggismálum í fleiri ár og mikil viðurkenning fyrir okkur að fyrirtækið tekur þátt í þessu með okkur,“ segir Gísli Níls.

Hann segir nú unnið að því að safna fjárhagslegum bakhjörlum til að þróa kerfið áfram . Kerfinu hafi verið mjög vel tekið og sífellt fleiri að bætast í hópinn, en enn er nokkuð í land til að takist að ljúka fjármögnun.

Nánar er fjallað um Ölduna í Morgunblaðinu í dag.

Tengdar fréttir

Öryggi sjófarenda

Munaði litlu að báturinn sykki

• Náðu að bjarga sjón háseta
• Heppinn að hafa náð að kalla eftir hjálp
• Björgunarskipið Þór selt til Súðavíkur
• Líklega hjálmi að þakka að ekki fór verr

» Fleiri tengdar fréttir