Lumar þú á forsíðumynd sjómannadagsblaðsins?

Morgunblaðið og 200 mílur hafa ákveðið að endurtaka leikinn frá í fyrra og efna til ljósmyndakeppni vegna sjómannadagsblaðs 200 mílna 2023. Besta ljósmyndin mun prýða forsíðu blaðsins sem dreift verður með Morgunblaðinu  auk þess sem ljósmyndarinn hlýtur 50 þúsund króna gjafabréf hjá veitingastaðnum Fiskifélaginu.

Leitað er að fallegum, hrikalegum, mögnuðum og einstökum ljósmyndum af sjónum eða sjósókn. Best er að hafa myndina háa fyrir forsíðuna en það er ekki skilyrði fyrir þátttöku.

Hægt er að skila mynd með því að smella hér eða senda okkur tölvupóst á 200milur@mbl.is.

Alls verða 3 myndir verðlaunaðar:

1. sæti – 50.000. króna gjafabréf hjá Fiskifélaginu og forsíðumynd 200 mílna.
2. sæti – 30.000. króna gjafabréf hjá Fiskifélaginu.
3. sæti – 20.000. króna gjafabréf hjá Fiskifélaginu.

Skilafrestur er til og með 26. maí.

Með þátttöku staðfestir sendandi ljósmyndar að viðkomandi sé höfundarréttarhafi myndarinnar og og gefur Morgunblaðinu og 200 mílum heimild til birtingar á myndinni í tengslum við keppnina.

• Blogga um frétt