Kyrrsettu Gdynia vegna vankanta á slökkvikerfi

Íslensk yfirvöld kyrrsettu flutningsakipið  M/V Gdynia í Straumsvíkurhöfn 15. maí síðastliðinn vegna vankanta á slökkvikerfi um borð, að því er fram kemur á vef Samgöngustofu.

Við eftirlit um borð voru gerðar athugasemdir við slökkvikerfið í vélarrúmi skipsins, en skoðun sólarhring síðar leiddi í ljós að fullnægjandi viðgerð hafði verið gerð og var kyrrsetningu þá aflétt af skipinu.

Gdynia er 24.145 brúttótonna búlkskip sem smíðað var í Kína árið 2012. Skipið siglir undir fána Bahama en er gert út af pólska skipafélaginu Polsteam. Það er nú á leið sinni til Sao Paolo í Brasilíu.

• Blogga um frétt