Náðu 900 milljónum í hlutafjáraukningu
Setja bókamerki
Iceland Seafood International hf. hefur gefið út 150 milljónir nýrra hlutabréfa á genginu 6 krónur á hlut og þannig aflað 900 milljóna króna í lausafé. Heimild til hlutafjáraukningar var samþykkt á aðalfundi félagsins í mars og ákvað stjórn félagsins að nýta hana til fulls í þeim tilgangi „að styrkja fjárhagsstöðu félagsins“ að því er fram kemur í tilkynningu til kauphallarinnar.
Rekstur Iceland Sefaood hefur verið þungur, einkum vegna erfiðrar stöðu fiskvinnslu félagsins í Grimsby í Bretlandi. Reynt var að selja þann hluta samstæðunnar en ekki tókst að finna kaupanda. Var því ákveðið að reyna að halda rekstrinum áfram um stund.
Fram kemur í tilkynningum til kauphallarinanr vegna hlutafjáraukningarinnar að stærstu hluthafar félagsins hafi tekið þátt í hlutafjáraukningunni og keypt hluti í samræmi við hlutdeild fyrir aukninguna. Þannig hafi FISK Seafood ehf. keypt hluti fyrir rúmar 100 milljónir, fjárfestingafélag forstjórans Bjarna Ármannssonar (Sjávarsýn ehf.) keypt hluti fyrir 97 milljónir og Jakob Valgeir ehf. hluti fyrir um 95 milljónir króna.
Fresta lokun endurvinnslustöðvar um ár
Uppfært hættumat: Líkur á eldgosi á næstu vikum
Miðflokkur aldrei stærri: „Kominn tími á kosningar“
Erfiðara að vernda Bláa lónið í nýju gosi
Samfylkingin niður í 27% og VG út af þingi
Eðlilegt að framkvæmdir kosti meira í dag
Umdeilt auglýsingaskilti fer fyrir dóm
Fólk stimplað með kvíða og deyr svo