Alls hafa 45 veitingahús og verslanir nú tekið sjókvíaeldislax af boðstólunum. Eigendur veitingahúsa segja eldislax úr sjókvíeldi vera mengandi og sýki villta laxastofna við Ísland. 

Íslenski náttúruverndarsjóðurinn og Verndarsjóður villtra laxastofna hafa sett af stað herferðina „Ekki í boði“ með það að markmiði að hvetja veitingahús og neytendur til að taka sjókvíaeldislax af matseðlum. 

Veitingahús sem taka þátt í herferðinni fá svokallaðan „Bláan gluggamiða“ sem á að fullvissa neytendur um að laxinn komi ekki úr sjókvíum. 

„Þess vegna býð ég ekki uppá lax úr sjókvíaeldi“

Nuno Alexandre Bentim Servo er forráðamaður fimm fyrirtækja sem hafa fengið hinn svokallað „Bláa gluggamiða“, en það eru veitingastaðirnir Sushi Social, Apótekið, Sæta Svínið, Tres Locos og Tapas barinn.

Servo segir í samtali við mbl.is, að ástæðan fyrir þátttöku fyrirtækja hans vera þá að sjókvíaeldislax sýki villta laxastofna og að besti kosturinn sé landeldislax eins og umrædd veitingahús bjóði upp á.

Á vefsíðu herferðarinnar er haft eftir eiganda Forréttabarsins, Róberti Ólafssyni: „Í sjókvíaeldi fer mengunin, fóður-, eitur- og lyfjaleifar, beint í sjóinn gegnum netmöskvana og eldislaxar sleppa úr kvíunum. Afleiðingarnar eru skaði fyrir umhverfið og óafturkræf erfðablöndun við villta laxastofna Íslands. Þess vegna býð ég ekki upp á lax úr sjókvíaeldi á Forréttabarnum.“

Fyrirtæki á þessum lista eru ýmist veitingahús á höfuðborgarsvæðinu sem og fáeinar fiskbúðir. 

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir

• Blogga um frétt