Frá áramótum hafa níu skip og bátar verið svipt veiðileyfi í atvinnuskyni, þar af sex vegna brottkasts. Athygli vekur að það eru jafn margar leyfissviptingar og allt árið 2022, að því er fram kemur í umfjöllun Morgunblaðsins.

Það sem af er fiskveiðiári hafa 18 skip og bátar verið svipt veiðileyfi í atvinnuskyni í samanlagt 42 vikur. Þar af hafa 15 skip og bátar verið svipt veiðileyfi í 35 vikur vegna brottkasts og er lengsta sviptingin átta vikur.

DRónar Fiskistofu hafa staðið fjölda báta að brottkasti að undanförnu. mbl.is/Árni Sæberg

Þrjár í maí

Þrjár veiðileyfissviptingar hafa verið tilkynntar í maí. Hefur Fiskistofa birt ákvörðun um að svipta Karólínu ÞH-100 um leyfi í tvær vikur eftir að báturinn var staðin að brottkasti á 75 fiskum í nóvember 2021 og maí 2022.

Einnig hefur Hrönn NS-50 verið svipt veiðileyfi í eina viku vegna brottkasts á 44 fiskum þegar báturinn var á grásleppuveiðum dagana 25. og 28. mars á síðasta ári.

Þriðja veiðileyfissviptingin snýr að Valþjófi ÍS-145 sem missir leyfi til strandveiða í sjö daga fyrir að hafa í fjögur skipti verið um 15 klukkutíma á strandveiðum á síðasta ári, en ekki er heimilt að vera lengur en 14 klukkustundur höfn í höfn.

Nánar má lesa um málið í Morgunblaðinu í dag.

Tengdar fréttir

Eftirlit með veiðum

Drónaeftirlit verður einnig í nóvember

• Úrskurður Persónuverndar hvorki fugl né fiskur
• Viðar tekur við veiðieftirlitssviði
• Leggja til bann við heimavigtun bolfisks
• Skipstjórum óhóflega refsað öðrum til viðvörunar

» Fleiri tengdar fréttir