Samherja„listgjörningurinn“ náði til þriggja heimsálfa

Listgjörningur listamannsins Odee, Odds Ey­steins Friðriks­son­ar, náði til þriggja heimsálfa. Þetta kemur fram í tilkynningu frá Samherja, en listgjörningurinn svokallaði var lokaverkefni Odds og fólk í sér að hann skrifaði afsökunarbeiðni í nafni Samherja til Namibíu og birti á bresku léni. 

Frétt af mbl.is

Samskipti lögreglumanns til skoðunar

Í tilkynningu Samherja segir að „tilraun til misnotkunar hafi verið send til 100 fjölmiðla á Íslandi, Noregi, Bandaríkjunum, Bretlandi, Kanada og Ástralíu.“

Þar segir enn fremur að Samherji hafi fengið vitneskju um þetta þegar félagið fékk lagt lögbann við ólöglegri notkun vörumerkja félagsins, meðal annars við notkun á léni í nafni Samherja í Bretlandi. 

„Í upphafi lögbannskröfunnar var veittur hæfilegur frestur til varna og nú hefur forsvarsmaðurinn ráðið þrjá lögmenn í Bretlandi til að gæta hagsmuna sinna,“ segir í tilkynningunni sem Þorsteinn Már Baldvinsson, forstjóri Samherja, ritar undir. 

Þar segir að fyrir liggi að ráðist hafi verið í víðtæka og kostnaðarsama aðgerð gegn vörumerki félagsins. 

„Samherji hefur eingöngu beint sjónum sínum að því að verja mikilvæg vörumerki sín svo sem öll fyrirtæki myndu gera hvarvetna í heiminum en leitt hjá sér túlkanir á list og tjáningarfrelsi,“ segir þar einnig.

• 1 blogg um fréttina

Bloggað um fréttina

• Páll Vilhjálmsson: RÚV biðst afsökunar á Namibíumálinu