„Samstaða er meðal strand­veiðisjó­manna að gefa eft­ir 4 veiðidaga á yf­ir­stand­andi vertíð gegn því að tryggðar verði veiðar í 11 daga í hverj­um mánuði;  maí til ág­úst,“ seg­ir í yf­ir­lýs­ingu fund­ar strand­veiðisjó­manna sem hald­inn var á Pat­reks­firði 27. maí síðastliðinn.

Þar seg­ir að fund­ur­inn hafi verið hald­inn í til­efni af frum­sýn­ingu mynd­ar­inn­ar Skuld á kvik­mynda­hátíðinni Skjald­borg. Fund­ur­inn var afar vel sótt­ur og eind­rægni meðal fund­ar­manna, að því er seg­ir í yf­ir­lýs­ing­unni. Gest­ir fund­ar­ins voru for­ystu­menn Lands­sam­bands smá­báta­eig­enda og Strand­veiðifé­lags Íslands.

„Fund­ur­inn skor­ar á hæst­virt­an mat­vælaráðherra, At­vinnu­vega­nefnd Alþing­is og þing­heim all­an að tryggja strand­veiðar á yf­ir­stand­andi sumri þannig að jafn­marg­ir veiðidag­ar verði í öll­um lands­hlut­um.“

Þá lýs­ir fund­ur­inn yfir „þakk­læti sínu til þjóðar­inn­ar fyr­ir þann stuðning sem hún hef­ur sýnt strand­veiðum og fram kom í skoðana­könn­un Fé­lags­vís­inda­stofn­un­ar Há­skóla Íslands.  At­vinnu­grein þar sem þrír fjórðu hlut­ar þjóðar­inn­ar vilja að  verði efld, á ekk­ert annað skilið en viðun­andi starfs­skil­yrði.“

Deilt um fyr­ir­komu­lag

Fyr­ir Alþingi ligg­ur frum­varp Svandís­ar Svavars­dótt­ur mat­vælaráðherra um svæðis­skipt­ingu strand­veiða. Til­lag­an er um­deild meðal strand­veiðisjó­manna sem hafa í ár­araðir kraf­ist að veiðunum verði tryggðar veiðiheim­ild­ir sem ger­ir hverj­um bát kleift að veiða í 12 daga á mánuði út veiðitíma­bilið maí til ág­úst.

Frétt af mbl.is

Strand­veiðiheim­ild­ir landsvæða fylgi fjölda báta

Tengd­ar frétt­ir

Strand­veiðar

Vilja und­anþágur frá reglu­gerð ráðherra

• „Þetta hef­ur ekk­ert með 48 daga að gera“
• Legg­ur til hert skil­yrði til strand­veiða
• Ólík­legt að frum­varp fá­ist af­greitt
• Grinda­vík­urfíl­ing­ur í vestanátt á Álfta­nesi

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Arn­ar Guðmunds­son: Sam­stöðufull­yrðing er röng