Lönduðu afla fyrir 275 milljónir króna

„Það var veitt alveg frá Lónsdýpinu og vestur á Hampiðjutorg. Lengst var verið á Hampiðjutorginu,“ segir Bjarni Ólafur Hjálmarsson, skipstjóri á Blæng, um síðustu veiðiferðina á vef Síldarvinnslunnar.

Skiðið kom til hafnar í Neskaupsstað í gær eftir 34 daga á sjó. Aflann var 530 tonn og verðmæti hans 275 milljónir króna.

„Uppistaða aflans er grálúða og það þurfti að hafa mikið fyrir henni. Veiðin var í sannleika sagt ekki mikil og það eru mörg skip að eltast við lúðuna, nánast allur frystitogaraflotinn. Fyrir utan lúðuna samanstendur aflinn af þorski, ufsa og karfa. Þessi túr var í lengra lagi og veðrið var býsna rysjótt, suðvestanáttin er ekki skemmtileg á sjónum. Nú er sjómannadagur framundan og síðan verður haldið á ný til veiða á mánudag,“ segir Bjarni Ólafur.

• Blogga um frétt