Matvælastofnun og Umhverfisstofnun hafa auglýst tillögur að rekstrar- og starfsleyfi fyrir laxeldi Arctic Fish á þremur staðsetningum í Ísafjarðardjúpi. Tillagan hljóðar upp á 5.200 tonna hámarkslífmassa af frjóum laxi, að því er segir í umfjöllun Morgunblaðsins. Félagið hefur hug á að setja fyrstu út í kvíar í haust en annars hefst útsetning seiða fyrir alvöru næsta vor.

Leyfi Arctic Fish er annað leyfið til laxeldis sem gefið er út í Djúpinu. Háafell, dótturfélag HG á Ísafirði, fékk útgefið leyfi fyrir 6.800 tonnum fyrir tveimur árum og mun slátra fyrsta laxinum í ár. Hafrannsóknastofnun telur að Ísafjarðardjúp geti borið 30 þúsund tonna framleiðslu en að heildarlífmassi af frjóum laxi megi ekki fara yfir 12 þúsund tonn vegna áhættumats vegna hugsanlegrar blöndunar við laxastofna sem fyrir eru í ánum.

Nánar er fjallað um málið í Morgunblaðinu í dag.

Tengdar fréttir

Fiskeldi

Arnarlax brýtur 100 þúsund tonna múrinn

• Slátrað úr kvíum við Haukadalsbót
• Fordæmalaus andstaða ekki í vegi eldis
• Sveiflukennt ár fyrir laxeldið
• Fyrstu seiðin komin í Viðlagafjöru

» Fleiri tengdar fréttir