Dýpka þarf í Grynnslum

„Úrbæt­ur í inn­sigl­ing­unni eru mik­il­vægt mál fyr­ir sam­fé­lagið á Höfn,“ seg­ir Sig­ur­jón Andrés­son bæj­ar­stjóri á Hornafirði. Til­kynnt var fyr­ir helgi að innviðaráðherra hefði falið Vega­gerðinni að hefja aðgerðir við dýpk­un sigl­inga­leiðar um Grynnsl­in utan við Horna­fjarðarós. Þar mynd­ast sandrif sem skip geta átt erfitt með að kom­ast yfir sé djúprista þeirra mik­il. Sér­stak­lega hef­ur reynt á þetta á loðnu­vertíðum þegar fara þarf inn á stór­um upp­sjáv­ar­skip­um.

Frétt af mbl.is

Grynnsl­in dýpkuð í sum­ar

„Skinn­ey-Þinga­nes, sem er stórt fyr­ir­tæki hér í bæ og burðarás í at­vinnu­líf­inu, áform­ar að fara í stór­tæka upp­bygg­ingu á vinnslu fyr­ir upp­sjáv­ar­af­urðir. Þau áform hafa hins veg­ar verið í biðstöðu meðan er kannað hvort koma megi inn­sigl­ing­unni í lag,“ seg­ir Sig­ur­jón.

Danska ráðgjaf­ar­fyr­ir­tækið DHI hef­ur unnið að rann­sókn­um í Grynnsl­un­um sem eru nauðsyn­leg­ur und­ir­bún­ing­ur aðgerða sem þurfa að duga til lengri tíma.

„Stefn­an er að næsta vet­ur verði hér á Höfn dýpk­un­ar­skip sem hægt verði að nýta alltaf þegar veður leyf­ir til að dýpka sigl­ing­ar­enn­una. Þannig mun Vega­gerðin, sem hef­ur þess­ar fram­kvæmd­ir með hönd­um, fá reynslu til lengri tíma við að tryggja góða og greiða inn­sigl­ingu hér. Þetta er mik­il­vægt verk­efni, en þó minna um­fangs en til dæm­is viðvar­andi aðgerðir í Land­eyja­höfn,“ seg­ir Sig­ur­jón Andrés­son.