Kvótinn að klárast og mörg skip hætt veiðum

Hratt gengur á aflaheimildir sem eftir eru í þorski og eru nú aðeins útistandandi 19.647 tonn eða rétt innan við 12% af útgefnum kvóta.

Fleiri skipum og bátum hefur verið lagt og hefja ekki veiðar á ný fyrr en í ágúst og fjöldi þeirra ekki fyrr en nýtt fiskveiðiár hefst 1. september. Dæmi eru um að skip hafi ekki landað afla í rúman mánuð.

Enn er eitthvað af heimildum eftir í þorski fyrir strandveiðibátanna en búast má við að strandveiðipotturinn svokallaði klárist um miðjan næsta mánuð.

Frétt af mbl.is

Líkur á stöðvun strandveiða um miðjan júlí

Þá eru eftir um 5.853 tonn af ýsu og 5.405 tonn af karfa. Hins vegar eru heil 43.827 tonn eftir af heimildum í ufsa.

Togurunum hefur gengið mjög illa að ná ufsanum og þvælist meðal annars þorskur fyrir á miðunum, en sem fyrr segir eru heimildir í tegundinni af skornum skammti. Smábátum gengur betur að ná ufsanum en þar er einnig vandamál hve lítið er eftir af heimildum í þorski og er ógerlegt að ná í leigukvóta.

• Blogga um frétt