Saga sjómanna sem vildu sjálfstjórn sinna mála

„Viðhorfin um félagsgjöldin voru mjög áberandi þráður í frásögnum þeirra stofnfélaga sem ég ræddi við vegna bókarskrifanna,“ segir Atli Rúnar.

Atli Rúnar Halldórsson - Ólafsfjörður - Fullveldissaga - rithöfundur Atli Rúnar Halldórsson söguritari hér með bókina góðu. Samantekt ritsins og vinnan öll sem því fylgdi segir hann að hafi verið mjög áhugavert verkefni að sinna. mbl.is/Sigurður Bogi

„Einn viðmælenda minna sagði sem svo að þeir Ólafsfirðingarnir hefðu ekki einu sinni getað gefið kirkjunni í heimabænum sínum gjöf í nafni félags síns nema bera slíkt undir stjórn þess á Akureyri. Það var út af fyrir sig eðlilegt en menn vildu einfaldlega hafa sjálfstjórn í sínum hagsmuna- og félagsmálum, gengu því úr Sjómannafélagi Eyjafjarðar og stofnuðu sitt eigið félag á fyrstu dögum ársins 1983. Þetta var í raun ákveðin fullveldisbarátta og út frá því varð titill bókarinnar til.“

Viðtalið við Atla Rúnar var birt í síðasta blaði 200 mílna.