Þær veiðiaðferðir sem beitt er við veiðar á stórhvelum samrýmist ekki ákvæðum laga um velferð dýra. Þetta er samróma álit fagráðs um velferð dýra hjá Matvælastofnun (MAST). Ráðið skilaði nýverið af sé áliti þar sem lagt var mat á veiðiaðferðir. Fagráðið var skipað dýralæknum og hvalasérfræðingum. 

Frétt af mbl.is

Niðurstöður MAST um hvalveiðar sláandi

Henry Alexander Henrysson, fullrúi Siðfræðistofnunar HÍ, er talsmaður ráðsins. Hann segir að ráðið hafi skoðað sérstaklega veiðitímabilið 2022 og mat ráðsins byggist á því. Ekkert bendi til þess að það ár hafi verið frábrugðið öðrum veiðitímabilum, þótt tölur kunni að hafa verið öðruvísi þegar eftirlit var minna.

Nú í höndum stofnana og dómstóla

Aðspurður um hvort þessum veiðum sé ekki sjálfhætt séu þær brotlegar við landslög segir Henry: „Fagráðið tekur ekki afstöðu til þess hvort þessum veiðum sé hætt. Við skoðum veiðarnar einungis út frá velferðarhluta laganna. Hvernig þau eru svo túlkuð er í höndum stofnana og dómstóla að lokum.“

Ráðið tók líka afstöðu til hugmynda Hvals hf. um nýjar veiðiaðferðir. Ráðið taldi þær hugmyndir óraunhæfar eða þurfa mikilla rannsókna við, áður en haldið væri áfram.

Sérálit Bændasamtakanna

Athygli vekur að þrátt fyrir samdóma álit ráðsins, segir fulltrúi Bændasamtakanna þann fyrirvara að „með þeirri afstöðu eru samtökin hinsvegar ekki að taka afstöðu til hvalveiða en Bændasamtök Íslands telja mikilvægt að standa vörð um sjálfbæra nýtingu auðlinda til matvælaframleiðslu.”

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• Blogga um frétt