Norðmenn hafa gengið frá samn­ing­um við Bret­land um mak­ríl­veiðar sum­ars­ins. Samn­ing­ur­inn fel­ur í sér að bresk skip fá að veiða 24.635 tonn sem út­hluta átti til norskra skipa gegn því að norsku skip­in mega veiða 135.141 tonn af sín­um veiðiheim­ild­um í mak­ríl í breskri lög­sögu.

„Ég fagna því að Nor­eg­ur og Bret­land hafi áð sam­komu­lagi um stjórn­un mak­ríl­veiða árs­ins 2023,“ er haft eft­ir Bjørn­ar Skjær­an, sjáv­ar­út­vegs­ráðherra Nor­egs, í til­kynn­ingu á vef norska stjórn­ar­ráðsins.

Alþjóðahaf­rann­sókn­aráðið (ICES) hef­ur lagt til að ekki verði veitt meira en 782.066 tonn af mak­ríl á þessu ári. Nor­eg­ur hyggðist út­hluta 249.870 tonn til sinna skipa eða 31,95% af ráðgjöf­inni, en mun með til­liti til samn­ings­ins og yf­ir­færslu veiðiheim­ilda frá síðasta ári veita skip­un­um heim­idl til veiða á 245.688 tonn­um. Bret­land hef­ur út­hlutað 210.814 tonn­um til breskra skipa eða tæp 27% af ráðgjöf­inni.

Útbreiðsla kol­munna mak­ríls og norsk-ís­lenskr­ar síld­ar. Kort/​mbl.is

„Bret­land og Nor­eg­ur eru tvær stærstu mak­rílþjóðirn­ar og er samn­ing­ur­inn því mik­il­vægt skref í átt að enn betri stjórn­un mak­ríl­stofns­ins og minnkað veiðiálag. Það hefði auðvitað verið ágætt ef við hefðum náð sam­komu­lagi sem næði einnig til hinna strand­ríkj­anna og ég vona að það for­dæmi sem Norðmenn og Bret­ar hafa gefið hjálpi hinum strand­ríkj­un­um smám sam­an að fylgja í kjöl­farið,“ seg­ir Skjær­an.

Talið slæmt for­dæmi

Það hef­ur hins veg­ar verið ljóst að ekki eru all­ir sátt­ir með samn­ing­in og hafa heyrst gagn­rýn­isradd­ir meðal norskra út­gerðarmanna sem ótt­ast að mynd­ast hafi ný hefð við gerða samn­inga um deili­stofna sem felst í að greiða fyr­ir aðgengi að lög­sögu ríkja með afla­heim­ild­um, að því er fram kem­ur í Fiskeri­bla­det.

Benda þeir meðal ann­ars á norsk-ís­lensk síld og þorsk­ur séu mik­il­væg­ir deili­stofn­ar sem norsk skip veiða og að hingað til hafi ekki verið greitt fyr­ir aðgengi að lög­sögu með afla­heim­idl­um.

Tengd­ar frétt­ir

Mak­ríl­veiðar

Norðmenn sæta harðri gagn­rýni í Evr­ópu

• 130 þúsund tonna upp­hafskvóti í mak­ríl
• Fá að færa 25% mak­ríl­kvót­ans á næsta ár
• Ein­ing um heild­arkvóta en ekki skipt­ingu
• Legg­ur til 22% lækk­un á mak­ríl­veiðum

» Fleiri tengd­ar frétt­ir

• Blogga um frétt