Bæjarstjórn Akraness segir að hvalveiðihlé, sem matvælaráðherra setti á með skömmum fyrirvara í gær, muni hafa alvarleg áhrif á afkomu bæjarbúa.

Bæjarstjórn Akraness sendi út harðorða yfirlýsingu nú í kvöld

Frétt af mbl.is

„Verulega slæmt“ fyrir hátt í 200 fjölskyldur

Í yfirlýsingunni segir meðal annars: „Að stöðva veiðar nú og rannsaka síðan forsendur þeirrar ákvörðunar er ekki góð stjórnsýsla og getur ekki talist einkennast af meðalhófi. Álit fagráðs um vernd dýra getur ekki eitt og sér dugað til að rökstyðja svo afdrifaríka ákvörðun sem snertir afkomu fjölda heimila með beinum hætti.“

Hefur áhrif á þjónustu bæjarins

Ljóst er af yfirlýsingunni að hvalveiðibannið mun snerta rekstur kaupstaðarins með beinum hætti.

Akranes sér fram hjá töpuðum útsvarstekjum sem nema tugmilljónum króna. Ákvörðun ráðherra muni því hafa bein áhrif á það hvaða þjónustu hægt er að veita bæjarbúum.

„Bannið var óvænt og kemur flatt upp á fjölda Akurnesinga sem gerðu ráð fyrir atvinnu og tekjum á hvalveiðivertíð sumarsins. Um er að ræða skyndilegan atvinnu- og tekjumissi fyrir fjölmarga íbúa að ógleymdri afleiddri starfsemi, en fjölmörg fyrirtæki sem þjónusta hvalveiðina á einn eða annan hátt höfðu gert ráðstafanir, jafnvel ráðist í kostnað og voru klár í vertíð,“ segir í yfirlýsingunni.

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• Blogga um frétt