Færeyingar þrengja að rússneskum fiskiskipum
Setja bókamerki
Færeysk yfirvöld kynntu fyrr í mánuðinum aðgerðir gegn rússneskum fiskiskipum, en skipin hafa til þessa notið fullrar þjónustu í þarlendum höfnum þrátt fyrir að hafa meðal annars stundað veiðar á friðuðum úthafskarfa á Reykjaneshrygg, að því er fram kemur í Morgunblaðinu.
Á undanförnum tólf mánuðum hafa rússnesk skip landað og umskipað um 400 þúsund tonnum af fiski í færeyskum höfnum þrátt fyrir að veiðiheimildir rússneskra skipa í færeyskri lögsögu nemi aðeins hundrað þúsund tonnum.
Með nýjum aðgerðum færeyskra stjórnvalda verður rússneskum skipum aðeins heimilt að landa og umskipa afla sem veiddur er samkvæmt gildandi samningum milli Færeyja og Rússlands. Þannig hefur verið tekið fyrir að rússnesk skip geti áfram nýtt Færeyjar sem bækistöð til að stunda veiðar á friðuðum úthafskarfa rétt utan íslenskrar efnahagslögsögu.
„Önnur ríki geta ekki lengur ásakað okkur í Færeyjum um að sýna ekki ábyrgð gagnvart Rússlandi,“ hefur færeyska ríkisútvarpið (Kringvarp Føroya) eftir Høgni Hoydal, utanríkis- og atvinnumálaráðherra Færeyja.
Nánar má lesa um málið í Morgunblaðinu í dag.
Bjarni ræddi við Selenskí: Úkraína þarf „tæki og tól“
„Ég bara hreinlega sagt man það ekki“
Færa sig af neyðarstigi á hættustig
Segir dómgreindarleysi safnsins hafa ráðið för
„Ég er nánast uppgefin eftir þessa kosningabaráttu“
Áfram launastuðningur til ágústloka
Beint: Landsmenn ganga til kosninga