Henry Alexander Henrysson, heimspekingur og kennari í siðfræði, segir Kristján Loftsson framkvæmdastjóra Hvals hf. fullyrða eitthvað án þess að hafa gögn sem styðja það.

Henry situr í fagráði Matvælastofnunar um velferð dýra, sem komst á dögunum að þeirri niðurstöðu að veiðiaðferð sem beitt sé við veiðar á stórhvelum samrýmist ekki ákvæðum laga um velferð dýra.

Kristján sagði í viðtali við Morgunblaðið í dag að Henry væri vanhæfur til að fjalla um hvalveiðar enda hafi hann skrifað greinar í blöð og á samfélagsmiðla og flutt erindi þar sem hann lýsir andstöðu sinni við hvalveiðar.

Frétt af mbl.is

„Þruma úr heiðskíru lofti“

Ekki yfirlýstur andstæðingur

„Hann er nú að gefa sér einhverja hluti sem ég kannast ekki við. Ég hef ekki skrifað greinar á samfélagsmiðla og er ekki yfirlýstur andstæðingur hvalveiða,“ segir Henry.

Hann kveðst vissulega hafa haldið erindi á málþingi í apríl þar sem hann fór yfir rök með og á móti hvalveiðum en segir það hafa verið áður en skýrslan kom út. Byggði hann á þeim gögnum sem þá lágu fyrir.

„Ég sá engin gögn sem bentu til þess að veiðar á stórhvelum gangi vel þegar það er hugsað út frá velferð dýra. Í erindinu komst ég þá að þeirri niðurstöðu að rökin væru þyngri gegn hvalveiðum en með þeim. Það var bara fræðileg niðurstaða og ég er enginn aktívisti.“

„Þeirri spurningu svöruðum við einfaldlega“

Hann bætir við: „Þegar fagráðinu var falið að fara yfir efni skýrslunnar og önnur gögn um veiðar á stórhvelum þá taldi ég mig ekki vanhæfan um það enda var ráðið ekki að fjalla um hvalveiðar. Við fengum einfaldlega einfalda spurningu: Er hægt að tryggja mannúðlega aflífun stórhvela við veiðar? Það var það eina sem við vorum spurð að og þeirri spurningu svöruðum við einfaldlega.“

Henry segir siðfræði snúast um rök og að hann haldi áfram að skoða rök með og á móti.

„Ég hefði frekar viljað að Kristján verði tíma sínum í að finna rök heldur en að teikna upp þessa mynd. Mér finnst hann kannski í einhverri geðshræringu fullyrða eitthvað sem hann hefur engin gögn fyrir.

Hann hefði getað notað síðustu tvo daga til að fjalla um rök fagráðsins í stað þess að fara í eitthvað svona viðtal. Ef hann hefur einhverjar upplýsingar sem hafa farið fram hjá okkur þá verður hann að koma með þær en ekki efast um vinnu fagráðsins.“

Tengdar fréttir

Hvalveiðar

Segir gjaldþrot Skagans vera áfall og skýtur á VG

• Hvalurinn er ekki að éta neitt megrunarkex
• Ráðuneytið skammti mismunandi gögn
• Afrán hvala tvöfaldast á þessari öld
• Jón segist ekki skulda Bjarkeyju

» Fleiri tengdar fréttir

• 1 blogg um fréttina

Bloggað um fréttina

• Magnús Sigurðsson: Kjaftæði