Þingmenn Framsóknarflokks og Sjálfstæðisflokks krefjast þess að Svandís Svavarsdóttir matvælaráðherra endurskoði ákvörðun sína um að fresta hvalveiðum út ágúst. 

Þingmenn tjáðu sig á hitafundi á Akranesi í kvöld en Verkalýðsfélag Akraness bauð til opins fundar í Gamla kaupfélaginu. 

Frétt af mbl.is

Hrópað að Svandísi á Akranesi

Matvælaráðherra komst vart að þegar talaði í pontu og svaraði spurningum fundargesta. Á meðal gesta voru starfsmenn Hvalshf. en Vilhjálmur Birgisson, formaður Verkalýðsfélags Akraness, hefur sagt að ákvörðun ráðherra hafi í för með sér gríðarlegt tekjutap fyrir starfsmenn fyrirtækisins. 

Þétt var setið í Gamla kaupfélaginu í kvöld. mbl.is/Árni Sæberg

„Ekki skoðun, heldur staðreynd“

Á fundinum sagði hann tapið nema 1,2 milljörðum króna í launakostnað fyrir starfsmenn og þar fyrir utan séu launatengd gjöld. Þá benti hann einnig á, líkt og kom fram í yfirlýsingu frá sveitarstjórn Akraness í gær, að sveitarfélagið yrði af miklum útsvarstekjum ef ráðherra endurskoðaði ekki ákvörðun sína. 

Svandís varði ákvörðun sína á fundi sínum og sagði hana vera tekna á grundvelli niðurstöðu fagráðs um velferð dýra. Það væri skýrt í niðurstöðu þess að hvalveiðar, líkt og þær eru stundaðar nú, samræmist ekki lögum um velferð dýra. Sagði hún það ekki vera skoðun heldur staðreynd.

Hún ítrekaði að ákvörðun hennar beindist ekki að starfsmönnum Hvals hf.

Ákvörðun matvælaráðherra verður til umræðu á fundi atvinnuveganefndar Alþingis á morgun klukkan ellefu. Fundurinn verður opinn og situr ráðherra fyrir svörum.

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• Blogga um frétt