Formenn stjórnarflokkanna tókust á um ákvörðunar mat­vælaráðherra að banna tíma­bundið veiðar á langreyðum í morgun. Bjarni Benediktsson, formaður Sjálfstæðisflokksins, og Sigurður Ingi Jóhannsson, formaður Framsóknarflokksins, lýstu óánægju með það hvernig var staðið að ákvörðuninni. 

Frétt af mbl.is

Bannið í bága við lög

Í morgun var greint frá því að niðurstöður lögfræðiálits sem Samtök fyrirtækja í sjávarútvegi lét vinna kveða á um að ákvörðun Svandísar Svavarsdóttur matvælaráðherra hafi farið í bága við lög. 

Í pallborði á Vísi í morgun sagðist Katrín Jakobsdóttir, formaður Vinstri grænna, styðja ákvörðun Svandísar, flokksystur sinnar. 

Hún benti á að ákvörðun Svandísar byggði á áliti fagráðs og væri því rétt ákvörðun. 

Katrín sagði, „nánast ómögulegt að bregðast ekki við.“

Bjarni ekki rætt við Svandísi

Sigurður Ingi og Bjarni lýstu yfir vonbrigðum sínum með ákvörðunina. 

Bjarni sagði að málið hafi komið honum á óvart og að hann hafi ekki enn rætt við Svandísi um ákvörðunina.

Sagði óljóst að meðhólf stjórnsýslu hafi ekki verið gætt með að taka ákvörðunina degi fyrir að veiði átt að hefjast. 

Þingið hefði átt að taka málið fyrir 

Sigurður Ingi og Bjarni voru sammála um að þingið hefði átt að ræða ákvörðunina áður en hún var tekin.

Þá sagðist Sigurður Ingi hafa viljað að skipaður hefði verið hópur til að fjalla um álit fagráðsins. 

Bjarni sagði að þingflokkur Sjálfstæðisflokksins hafi rætt málið, síðast í gær, og að endurskoða ætti bannið. Hann vildi ekki svara hvort ákvörðunin hefði áhrif á stjórnarsamstarfið en hann sagðist ósáttur við ákvörðunina. 

Katrín nefndi að þau væru oft ósátt við hvort annað og að þau hefðu hingað til alltaf leyst þau mál. 

Tengdar fréttir

Hvalveiðar

Lög um hvalveiðar úrelt og krefjast endurskoðunar

• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna
• Ekki rætt um hvalveiðar

» Fleiri tengdar fréttir

• Blogga um frétt