Væntir gagna frá ráðherra
Setja bókamerki
Forsætisráðherra segir að gagna úr matvælaráðuneyti sé að vænta innan skamms, sem sýni að frestun á hvalveiðum sé lögmæt, byggð á lagaheimild og sjálfstæðu mati Svandísar Svavarsdóttur matvælaráðherra. Óskað hefur verið eftir þeim gögnum af Alþingi, fjölmiðlum og hagsmunaaðilum, en þau hafa enn ekki borist.
Teitur Björn Einarsson, þingmaður Sjálfstæðisflokksins í atvinnuveganefnd, er meðal þeirra sem efa lögmæti ákvörðunarinnar og talar um gerræði og ofríki ráðherra í viðtali sem birt er í Dagmálum Morgunblaðsins í dag. Er það ekki áhyggjuefni ef stjórnarliðar tala þannig?
„Matvælaráðherra fór vel yfir rökstuðninginn fyrir ákvörðuninni á fundi í atvinnuveganefnd Alþingis í liðinni viku,“ segir Katrín Jakobsdóttir forsætisráðherra í samtali við Morgunblaðið. „Hún áréttaði það mat sitt og álit samkvæmt bestu vitund ráðgjafa að reglugerðin væri reist á traustum lagagrundvelli. Að ráðherra hefði heimild til að fresta veiðum í ákveðinn tíma.“
Stenst að gera það fyrirvaralaust?
„Ákvörðunin var tekin í ljósi afdráttarlauss álits fagráðs um velferð dýra og ég fæ sannast sagna ekki séð að matvælaráðherra hefði getað annað en gripið til tafarlausra ráðstafana eftir að hafa fengið það álit í hendur.“
Af hverju hefur matvælaráðherra ekki lagt fram gögn úr ráðuneytinu um það?
„Ég er ekki í nokkrum vafa um að það verður gert og vænti þess innan skamms.“
Veikir deilan stjórnarsamstarfið?
„Það á ekki að koma á óvart að þessir þrír flokkar séu ekki sammála um alla hluti eða að upp komi ágreiningsefni milli þeirra. Ég held hins vegar að það sé styrkur þessa ríkisstjórnarsamstarfs að við getum rætt hreinskilnislega um þau okkar á milli og leyst úr þeim. Það getur gengið misvel, en það gengur.“
Lesa má meira um málið í Morgunblaðinu í dag.
Björgunarsveitir kallaðar út fyrir norðan
Bókun 35 enn stjórnarskrárbrot
„Guð forði okkur frá því“ að Ísland missi tengslin
Skiptar skoðanir um frestun landsfundar
Ók í gegnum rúðu og reyndi að nema banka á brott
Fólk á fleiri en 30 bifreiðum þurfti aðstoð
300 tonn af búslóðum Grindvíkinga beint á haugana
