Kvartað til umboðsmanns vegna hvalveiðibanns

Hvalur hf. hefur sent inn kvörtun til umboðsmanns Alþingis vegna ákvörðunar Svandísar Svavarsdóttur matvælaráðherra og fagráðs um velferð dýra um að breyta reglugerð um hvalveiðar hinn 20. júní síðastliðinn. Lögmannsstofan Juris sendi inn kvörtunina fyrir hönd Hvals hf. og Kristjáns Loftssonar, fyrirsvarsmanns Hvals.

Í kvörtuninni, sem Morgunblaðið hefur undir höndum, segir að Hvalur telji að fjölþættir og alvarlegir annmarkar séu á stjórnsýslu matvælaráðherra og fagráðsins, og eftir atvikum á stjórnsýslu Matvælastofnunar, MAST, sem fagráðið er til ráðgjafar.

Nánar má lesa um málið í Morgunblaði dagsins.