Ekki útilokað að bannið lengist
Setja bókamerki
Svandís Svavarsdóttir matvælaráðherra bannaði hvalveiðar tímabundið til 31. ágúst en miðað við svör matvælaráðuneytisins við fyrirspurnum Morgunblaðsins er ekki hægt að útiloka að bannið verði framlengt.
Starfshópur á vegum ráðuneytisins vinnur næstu vikurnar að því að meta hvort hvalveiðar geti staðist lög um dýravelferð og lög um hvalveiðar.
„Frá því reglugerð nr. 642/2023 var sett hefur ráðuneytið haft til skoðunar hvort og þá hvaða úrbætur sé hægt að gera á veiðiaðferðum og veiðarfærum sem notaðar eru við veiðar á stórhvelum svo þær geti farið fram í samræmi við lög nr. 55/2013 og lög nr. 26/1949,“ segir í svari frá ráðuneytinu.
Skila tillögum um raunhæfar leiðir
Samkvæmt svörum ráðuneytisins á starfshópurinn að vinnu lokinni að „skila ráðuneytinu tillögum að valkostum eða mögulegum lausnum um hvaða leiðir eru raunhæfar eða mögulegar.“
Ekki verður annað skilið á þessum svörum en að hið „tímabundna hvalveiðibann“ verði ekkert endilega tímabundið.
Það er að segja ef starfshópur ráðuneytisins kemst að þeirri niðurstöðu að ekki sé hægt að stunda hvalveiðar sem samræmast lögum um velferð dýra.
Kæru vættir, færið okkur logn!
Framkvæmdir í uppnámi
Hefur tryggt sér stuðning nógu margra kjörmanna
Kourani breytir um nafn og horfir til Bessastaða
„Það er stutt á milli stórra atburða“
Joe Biden: Slakur námsmaður sem varð forseti
Fossvogslaug ekki í áætlunum Kópavogs