Ægir og Týr til Grikklands

Verið er að undirbúa varðskipin Ægi og Tý fyrir ferð til nýrra heimkynna á Grikklandi, að því er fram kemur í umfjöllun Morgunblaðsins. Skipin hafa verið um nokkurt skeið í Sundahöfn og hafa nú fengið nöfnin Ocea og Poseidon V.

Það er Gára skipamiðlun sem tók við skipunum fyrir hönd nýrra eigenda. Jóhann Bogason, forstjóri fyrirtækisins, segir að kaupendurnir séu grískir og bera nýju nöfnin þess merki enda Poseidon einn af grísku goðunum og talinn vera verndari hafsins.

Frétt af mbl.is

Landhelgisgæslan kvaddi Ægi og Tý eftir dygga þjónustu

Verið er að standsetja skipin þessa dagana en líklega hefur mætt það mikið á vél Ægis að draga þurfi skipið til Grikklands þar sem nýir eigendur taka við því. Ekki er vitað hvaða verkefnum þeim er ætlað að sinna í Eyjahafinu eða hvenær þau muni verða fær til þess að halda yfir hafið. Fagur ehf. festi kaup á skipunum á síðasta ári og greiddi fyrir þau 51 milljón króna.

Frétt af mbl.is

Týr og Ægir enda líklega erlendis