Gert er ráð fyrir því að sjávarútvegsfyrirtækið Brim hf. muni skila inn kæru til Áfrýjunarnefndar samkeppnismála innan tveggja vikna vegna úrskurðar Samkeppniseftirlitsins um að gera félaginu að greiða sektir að fjárhæð 3,5 milljónum á dag. Ástæð dagsektanna er sú að félagið hefur ekki skilað inn öllum þeim gögnum sem eftirlitið krafðist vegna athugunar stofnunarinnar á stjórnunar- og eignatengslum í sjávarútvegi.

Með kærunni frestast réttaráhrif sektargerðarinnar að sögn Guðmundar Kristjánssonar, forstjóra Brims, sem segir ennfrmur að félagið muni jafnframt kvarta á  nýjan leik til Umboðsmanns Alþingis.

„Umboðsmaður var áður búinn að segja okkur að hann gæti ekki tekið á þessu máli af því að stjórn Samkeppniseftirlitsins var ekki áður búin að samþykkja vegferð eftirlitsins í málinu. Síðan barst svar frá stjórninni sem forstjórinn skrifar reyndar sjálfur -  sem er mjög fróðleg málsmeðferð. Þannig að nú fer málið aftur til Umboðsmanns,“ sagði Guðmundur.

Falli úrskurður áfrýjunarnefndarinnar Brimi í óhag segir Guðmundur að skoðað verði hvort gögnunum verði skilað eða hvort málinu verði vísað til dómstóla. Stjórn Brims taki ákvörðun um það. „Það var einhugur í stjórn Brims um að skila ekki inn gögnunum, enda er hér um mjög óeðlileg vinnubrögð að ræða. Það sást vel þegar við fengum loksins eftir marga mánuði afrit af samningi Samkeppniseftirlitsins og matvælaráðuneytisins um þessa athugun, þá blasti við að ráðuneytið stjórnar algerlega ferðinni í þessu máli,“ segir Guðmundur Kristjánsson.

Tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir

Kortlagning eignatengsla

Segja gögnin nú tilheyra opinberum skjalasöfnum

• SKE skilar ekki gögnunum og dregur svör til G. Run
• Persónuvernd ekki með í ráðum við athugun SKE
• Óttast ekki hefnd SKE
• Ógnarstjórn og einelti SKE

» Fleiri tengdar fréttir

• Blogga um frétt