Frosti strand fyrir utan Höfn

Fiskitogarinn Frosti er strand rétt utan við Höfn í Hornarfirði. Lóðsbátur frá Hornarfjarðarhöfn vinnur að því að losa togarann.

Skipið er í eigu útgerðarinnar Frosta ehf.

Vignir Júlíusson, forstöðumaður Hornafjarðarhafnar, segir í samtali við mbl.is að togarinn hafi tekið niður á sandrifi í innsiglingunni innanfjarðar um eittleytið í dag. 

Lóðsbátur hafi verið gerður út og aðstoði togarann nú við að losna úr sandinum og komast aftur á siglingu. Gert er ráð fyrir því að togarinn geti haldið aftur á veiðar á innan við klukkustundar.

Hann segir ástandið hvorki sjaldgæft né áhyggjuefni. Engar skemmdir séu á togaranum.

„Þetta kemur oft fyrir og er þannig séð alveg eðlilegt. Það er þannig landslag hér og leiðirnar eru þröngar. Það er sandur í botninum svo það hafa ekki orðið neinar skemmdir. Við höfum ekki nokkrar áhyggjur af þessu.“

• Blogga um frétt