Bráðbirgðaniður­stöður mæl­inga í 19 daga leiðangri rann­sókna­skips­ins Árna Friðriks­son­ar sýna að þétt­leiki mak­ríls í ís­lenskri land­helgi var álíka og síðasta sum­ar en út­breiðslu­svæðið var minna. Þetta er meðal þess sem fram kem­ur í til­kynn­ingu á vef Haf­rann­sókna­stofn­un­ar.

Þar seg­ir að mak­ríll hafi fund­ist „aðallega á land­grunn­inu og land­grunns­brún­inni meðfram suður­strönd lands­ins og fá­ein­ir fisk­ar feng­ust fyr­ir vest­an landið.“

Árni Friðriks­son lauk þátt­töku í ár­leg­um alþjóðleg­um upp­sjáv­ar­vist­kerf­is­leiðangri í Norður­höf­um að sum­ar­lagi þann 21. júlí síðastliðinn og hafði þá verið tekn­ar 43 tog­stöðvar og sigld­ar um 3.250 sjó­míl­ur eða 6 þúsund kíló­metr­ar. Einnig voru gerðar sjó­mæl­ing­ar og tekn­ir átu­háf­ar á öll­um yf­ir­borðstog­stöðvum.

Yf­ir­borðstog í Græn­lands­sundi í júlí 2023, segl og belg­ir sjást í yf­ir­borði. Ljós­mynd/​Haf­rann­sókna­stofn­un/​Anna Heiða Ólafs­dótt­ir.

Svipuð út­breiðsla kol­munna

Ekki var aðeins rann­sökuð út­breiðsla mak­ríls, held­ur var einnig skoðuð út­breiðsla síld­ar og kol­munna í ís­lenskri lög­sögu að und­an­skild­um suðaust­ur hluta henn­ar sem Fær­ey­ing­ar rann­sökuðu.

„Líkt og und­an­far­in ár var norsk-ís­lenska vorgots­s­íld að finna á flest­um tog­stöðvum fyr­ir norðan og aust­an landið og ís­lenska sum­argots­s­íld á land­grunn­inu fyr­ir sunn­an og vest­an landið. [...] Kynþroska kol­munni mæld­ist við land­grunns­brún­ina sunn­an og vest­an við landið í álíka þétt­leika og síðasta sum­ar.“

Þá sýna bráðabirgðaniður­stöður einnig að hita­stig í yf­ir­borðslagi sjáv­ar hafi verið álíka og sum­arið 2022 fyr­ir sunn­an og vest­an landið en kald­ara fyr­ir norðan.

Þá stend­ur leiðang­ur tveggja skipa Norðmanna enn yfir og er gert ráð fyr­ir að gögn frá skip­un­um fimm sem taka þátt í leiðangr­in­um verða tek­in sam­an og greind upp úr miðjum ág­úst og niður­stöður kynnt­ar und­ir lok ág­úst.

Útbreiðsla og þétt­leiki (rauðir fyllt­ir hring­ir) mak­ríls (efri) og síld­ar neðri ásamt hita­stigi í yf­ir­borðslagi sjáv­ar. Yf­ir­borðstog­stöðvar með eng­um afla af viðkom­andi teg­und eru táknaðar með svört­um punkt. At­hugið að kvarði fyr­ir þétt­leika er mis­mun­andi milli teg­unda. Einnig eru sýnd­ar dýpt­ar­lín­ur fyr­ir 200 m, 500 m og 1000 m. Kort/​Haf­rann­sókna­stofn­un

Tengd­ar frétt­ir

Mak­ríl­veiðar

Norðmenn sæta harðri gagn­rýni í Evr­ópu

• 130 þúsund tonna upp­hafskvóti í mak­ríl
• Fá að færa 25% mak­ríl­kvót­ans á næsta ár
• Ein­ing um heild­arkvóta en ekki skipt­ingu
• Legg­ur til 22% lækk­un á mak­ríl­veiðum

» Fleiri tengd­ar frétt­ir

Haf­rann­sókna­stofn­un

Frum­kvöðull með smit­andi áhuga

• Spara hundruð tonna af olíu ár­lega
• Sögu­leg tíma­mót ís­lenskra haf­rann­sókna
• Er ólíkt rann­sókn­ar­skip­um annarra þjóða
• Aðstaðan um borð batn­ar um­tals­vert

» Fleiri tengd­ar frétt­ir

• Blogga um frétt