„Í gær var góð makrílveiði austur af landinu og voru skip jafnvel að fá um og yfir 400 tonn í holi. Síldarvinnslu- og Samherjaskipin sem eru í veiðisamstarfi voru að veiðum 80 til 100 mílur austur af Norðfjarðarhorni,“ segir í færslu á vef Síldarvinnslunnar.

Þar segir jafnframt að Margrét EA hafi komið til Neskaupstaðar með 1.150 tonn af makríl á miðvikudag þegar var verið að ljúka við vinnslu rúmlega 1.500 tonnum úr Beiti NK. Í morgun mætti síðan Vilhelm Þorsteinsson EA til hafnar með 1.650 tonn.

„Vinnslan í fiskiðjuveri Síldarvinnslunnar er því samfelld og einungis gert hlé á henni til að þrífa. Fiskurinn sem skipin færa að landi er mjög stór eða um og yfir 600 grömm og er hann fullur af átu. Átan í fiskinum gerir það að verkum að ekki er unnt að heilfrysta hann heldur er hann annaðhvort hausaður eða flakaður,“ segir í færslunni.

Þá herma f´rettir að makrílveiði sé að glæðast í Smugunni. Þar eru grænlensku skipin Polar Amaroq og Polar Ammassak að veiðum.

Tengdar fréttir

Makrílveiðar

„Veiðiárangur er oft spurning um heppni“

• „Þetta gengur mjög rólega og lítið um makríl“
• Fyrsti makríllinn úr íslenskri lögsögu
• Tæplega fimm kíló af makríl fyrir eitt af þorski
• „Verðmætum þessum fylgir líka ábyrgð“

» Fleiri tengdar fréttir

• Blogga um frétt